Det kommunale plan- og styringssystemetGode plan- og styringsprosessar er ein føresetnad for at kommunen kan utøve rolla si som tenesteytar, samfunnsutviklar og som forvaltar av demokratiske prosessar på ein god måte. Gjennom plan- og styringssystemet skal politikarane kunne ta ansvar for strategisk styring og prioritering, og kommunedirektøren ta ansvar for å sette i verk og følge opp politiske vedtak, mål og prioriteringar. Planstrategi Kva er utfordringsbiletet og kva for planar har vi behov for? Kommuneplan – samfunnsdel og arealdel Korleis ønskjer vi å ha det og kva skal dei overordna måla våre vere? Korleis skal vi nytte areala våre til bustad, næring og friområde. Overordna strategiar, tema- og fagplanar Korleis skal vi nå måla? Kommuneplanen sin handlingsdel – økonomiplan og budsjett Korleis må vi prioritere ressursane for å nå måla? Verksemdplanar Kva skal dei kommunale verksemdene gjere komande år? Årsmelding Kva vart resultatet? Dei ulike planane Planstrategi Kommunen må for kvar valperiode vedta ein planstrategi, der kommunestyret må ta stilling til det overordna utfordringsbiletet og behovet for planar. Ålesund kommune evaluerer og reviderer planstrategien kvart år i samband med behandling av handlings- og økonomiplan. Gjeldande planstrategi finn du i planoversikta. Kommuneplan Kommuneplanen skal peike ut den ønska utviklinga i kommunen, både for samfunnet og kommunen som organisasjon. Les meir om kommuneplanen sin samfunnsdel her. Du finn også kommuneplanen sin samfunnsdel i planoversikta. Overordna strategiar, tema- og fagplanar Ålesund kommunestyre vedtek overordna strategiar, tema- og fagplanar som konkretiserer korleis vi skal jobbe for å nå måla innanfor særskilde område. Dokument som er utarbeidd etter etableringa av nye Ålesund i 2020 er samla i ei eigen planoversikt. Planar frå før kommunesamanslåinga er samla i ei eigen oversikt her. Handlings- og økonomiplan med budsjett Handlings- og økonomiplan med budsjett for komande år vert vedtatt av kommunestyret kvar haust. Gjeldande handlings- og økonomiplan finn du i planoversikta. Årsmelding Kommunen skal kvart år utarbeide årsberetning for kommunen si samla verksemd. Årsberetninga blir lagt fram for kommunestyret saman med årsmeldinga frå føregåande år, med ei samla vurdering av økonomisk utvikling og måloppnåing for kommunen sine verksemder. Du kan lese årsmeldingane he Gjeldende reguleringsplaner Sjå eigen side for innsyn i arealplanar og reguleringsplanar. Sist endra 26.05.2023 07.59