Her finn du informasjon om koronavaksinering.

Ikkje alle vaksinane du får gjennom barnevaksinasjonsprogrammet, gir beskyttelse livet ut. Det er difor anbefalt påfyll av enkelte vaksinar i vaksen alder for å oppretthalde beskyttelse mot sjukdommane.

Det er anbefalt at vaksne tar vaksine mot difteri, stivkrampe, kikhoste og polio omtrent kvart tiande år. Alle vaksinane kan gis samla i ei sprøyte. Anbefalinga gjeld for alle vaksne, ikkje berre dei som har tenkt seg på utanlandsreise.

Det kan også vere aktuelt med påfyll av vaksine mot meslingar dersom du er fødd før 1970 og ikkje har hatt sjukdomen. Folkehelseinstituttet har meir informasjon om oppfriskingsvaksiner for vaksne.

Dersom du treng ei oppfriskingsvaksine, ta kontakt med fastlegen din eller reisevaksinasjonskontoret på Sentrum helsestasjon.

Gå inn på FHI si temaside om influensavaksine for å sjå kven vaksinen er spesielt tilrådd for.

Systemisk pneumokokksykdom råkar oftast små barn og eldre, men personar i alle aldrar kan bli råka, og særleg dei med spesiell disposisjon på grunn av grunnsjukdom.

Visse sjukdommar/tilstandar er rekna å føre til ein auka i risiko for invasiv pneumokokksjukdom hos alle i same risikogruppe. Gå inn på FHI si side om pneumokokkvaksine for å sjå kven pneumokokkvaksinasjon blir anbefalt til.

Folketrygda gir stønad til pneumokokkvaksine til personar med hivinfeksjon, til personar utan miltfunksjon og til personar som har gjennomgått stamcelletransplantasjon (blåreseptforskriften § 4.3). Vaksine blir bestilt frå Folkehelseinstituttet. Andre grupper må betale vaksina sjølv.

Skogflåttencefalitt skyldast ein infeksjon med tickborne encephalitis-virus (TBE-virus). TBE-virus kan føre til infeksjon i sentralnervesystemet.

• Folkehelseinstituttet tilrår at barn og vaksne som ofte får flåttbitt i område med kjent TBE-smitterisiko, skal vurdere vaksinasjon.
• Vaksinasjonsanbefalingane gjeld både fastbuande og besøkande.
• Dei som bør vurdere vaksinasjon, er for eksempel skogsarbeidarar, orienteringsløparar og personar som bur i telt, går tur eller oppheld seg mykje i «flått-terreng» i område med kjent risiko for TBE-smitte.
• Det er tilrådd å starte vaksinasjon om våren, i god tid før flåttsesongen.

Ungdom i alderen 16-19 år er ei av dei aldersgruppene som har høgst førekomst av hjernehinnebetennelse. Ein kombinasjon av tett samvær med andre ungdomar over fleire dagar, festing, høgt alkoholinntak, deling av flasker og sigarettar, aktiv eller passiv røyking og lite søvn kan auke risikoen for smitte, og for at sjukdomen blir alvorleg. Dette gjeld både russ og andre ungdomar som festar mykje.

Det er anbefalt at vaksinasjonen blir utført i god tid før russefeiringa startar. Beskyttelsen varer i fleire år. Vaksinasjon i starten av vidaregåande skule vil gi beskyttelse i russetida og ved reiser seinare i ungdomstida. Etter vaksinasjon tek det omtrent to veker før vaksinen gir beskyttelse.

Informasjon om HPV-vaksine finn du her.   

Dersom som du ikkje har fått HPV-vaksine som ein del av barnevaksinasjonsprogrammet eller gratisordninga for unge kvinner, og ønsker å starte HPV-vaksinering no, må du ta kontakt med din fastlege. Denne vaksinen må du betale for. Du finn meir informasjon om HPV-vaksine hos Folkehelseinstituttet.

Ja. Allergivaksine kan redusere eller kurere ein allergisk sjukdom. Dette er eit behandlingsalternativ ved langvarig og alvorleg allergi der ein ikkje har tilfredsstillande nytte av vanleg medikamentell behandling som tablettar, nasespray og augedråpar. Allergivaksinering kan nyttast ved fleire former for pollenallergi, som bjørk og gras.

Allergivaksinering er eit langvarig behandlingsforløp som går over fleire år, og blir i dei fleste tilfelle gitt på sjukehus. Ta kontakt med fastlegen din dersom du meiner dette er noko du kan ha nytte av.

Tilsette som er utsette for smitte på grunn av yrket sitt, bør få tilbod om å vaksinere seg dersom det er nødvendig. Personar med same yrke eller same arbeidsgivar treng ikkje alltid dei same vaksinane. Eksempel på aktuelle yrke er rørleggarar, helsepersonell og skogsarbeiderar.

Det er arbeidsgivar som er ansvarleg for å vurdere om det er fare for smitte på arbeidsplassen, og som betaler for vaksinasjon, dersom den tilsette må vaksinerast.

Folkehelseinstituttet har oversikt over kva vaksinar som er tilgjengelege, og kan gi råd om yrkesvaksinering. Les meir om yrkesvaksinasjon hos Folkehelseinstituttet eller snakk med arbeidsgivaren din om behov for yrkesvaksinasjon.

Alle vaksinar som blir gitt i Noreg skal registrerast i det nasjonale vaksinasjonsregisteret, SYSVAK. På Helsenorge.no - Mine Vaksiner kan du logge deg på for å sjå status på dine eigne vaksinar, samt vaksinar gitt til dine barn som er under 16 år. Her finn du:

• Alle vaksinar gitt gjennom barnevaksinasjonsprogrammet sidan 1995
• Reisevaksinar og andre vaksinar, til dømes influensavaksine, gitt sidan 2011

Sidan helserettsleg myndigheitsalder i Noreg er 16 år, har ikkje foreldre tilgang til barna sin vaksinasjonsstatus etter fylte 16 år. Buypass ID  blir bydd frå fylte 13 år. Dersom du er mellom 16 og 18 år, kan du utan Buypass ID bestille vaksinasjonskort direkte frå Folkehelseinstituttet.