Siste oppdatering 22. april:

Det ser ut til at arbeidet med installering av nytt UV-anlegg på Storsætra vert ferdig i løpet av 1. mai-veka og at ein då kan avslutte perioden med tilsetting av klor.

Det vert gitt nærare melding når det nærmar seg. 

Opprinneleg melding frå 4. april:

I samband med ombygging av desinfeksjonsanlegget ved Storsætra vassbehandlingsanlegg må det tilsettast klor i vatnet som desinfeksjon. Det sikrar at folk får fullgodt vatn også medan ein arbeidar på Storsætra, og abonnentane slepp belastninga med å måtte koke vatnet.

Sjølve arbeidet på Storsætra startar mandag 8. april, men det vert tilsett klor frå fredag 5. april. Arbeidet med ombygginga vil ta om lag to veker. Folk vert varsla med sms både når perioden startar og sluttar.

I perioden når det blir tilsett klor, kan folk merke endra smak og lukt, som jord- eller myrsmak, men ein forventar mindre smak og lukt enn det var i testperioden for nokre veker sidan. Behandlingsløysinga er gjort i samarbeid med Mattilsynet og det vert ikkje tilsett mengder klor som er farleg for folk.

Vakttelefon

Skulle det oppstå noko uventa med vassforsyninga, så kan du ringe vakttelefon 951 62 000

Sikrare vassforsyning

Opppgradering vil gi folk meir stabil og sikker forsyning av reint drikkevatn med mellom anna nytt UV-aggregat og aggregat for nødstraum.