Ungdomsrådet i Ålesund kommune har samrøystes vedtatt at Ungdommens kulturpris for 2021 vert tildelt Monika Sæth Bjørlykhaug. (f.1997).

Grunngjevinga for at ho vert tildelt denne prisen er:

Monika starta på Barnelaget i Vatne Frilynde Ungdomslag 6 år gamal. Etter ei kort periode så kom ho heimatt og sa: Er det ein plass eg aldri skal slutte, så er det her.

I 2009 (12 år gamal) starta ho som leiar i Barnelaget. Ho var då medansvarleg for 30-40 born. Sidan 2012/13 så har ho hatt ansvaret aleine. I år så er det 49 born i alderen 6-18 år. Ho instruerar borna i Folkedans, Leikarring, Modernedans og Linedance. Song og Skodespel øver dei på kvart år frå september til jul, for då er det Julefest for borna med familiar.

I sommar så framførte teatergruppa Grease, som vart ein suksess. Ho lever og ånder for barnelaget, øver inn nye dansar, skriver om skodespel slik at det skal passe til antal medlemmar som skal ha roller. Veldig engasjert, ho kan plutselig en sommars dag, ta fram julespelet og skrive om, justere replikkar, skrive inn roller osv. Dette gjeld også dans. Ho dansar ute, inne hos besteforeldre, for det er ofte noko ho vil vise. I 2016 starta ho på lærarstudiet i Volda, ho tek da turen tilbake til Vatne nesten kvar fredag for å være i lag med ungane i barnelaget. Ho er saman med dei minste borna (1. – 4. trinn) frå kl 18-19, og dei største (frå 5.trinn og oppover) frå kl 19-20.

Frå kl 20-21 har ho øving med teatergruppa. Ho har skrevet om fleire manus slik at det passar til teatergruppa. Dette er ein stor jobb og Monika er utrulig stolt når gruppa viser det ferdige resultatet. I Volda var ho også med og dansar samen med Onsdagsdansarane. Dei synest at det var utrulig kjekt å få med ei ung dame. Dette gjorde ho for at ho synest at det er kjekt og for å lære seg nye dansar som ho tar med seg til barnelaget.

Sommaren 2019 valgte ho å flytte tilbake til Vatne, det siste studieåret i Volda var samlingsbasert.. På denne måten så kan ho lettere yte enda meir til Barnelaget. Til jula i 2019 hadde Barnelaget et Julespel som ho hadde skrevet sjølv som handla om både raude og blå-nissar, det kalla ho Kampen om Langlua. Ho som aldri hadde strikka før strikka alle blånisse luene. Viser litt om engasjementet ho har. I Covid-perioden har utfordringane vært mange. Barnelaget hadde starta med øving på musikalen Frost som dei skulle ha til Jul 2020, dette vart dessverre ikkje mogleg å gjennomføre, men dei slutta aldri å øve. Så til slutt for å få førestillinga ut til foreldra så valte VFU å engasjere filmklassa ved Akademiet som kom å filma. Dette blei ein veldig flott film som alle barnelagsbarna synest var veldig stas.

Men sjølv i denne perioden så er ho ei veldig viktig medverkande grunn til at medlemsmassen i Barnelaget er økende, pr dd 52 born. Dette viser kor viktig kulturlivet er i ei lita bygd som Vatne og at oss har eldsjeler.

Ho er pliktoppfyllande, omgjengeleg, smilande, imøtekomande og rett og slett UNIK. Vatne Frilynde Ungdomslag hadde sikker ikkje hatt barnelag på Vatne om det ikkje hadde vært for ho.

Rydd Møre får Ålesund kommune sin miljøpris for 2021.

Dei får prisen for sitt omfattande arbeid med rydding, informasjon og engasjement. Eit samrøystes prisutval for teknisk, miljø og samferdsel vedtok i møtet måndag 15. november å tildele prisen til Rydd Møre.

Her er grunngivinga:

Rydd Møre har stått på og fått rydda i fylket og kommunen vår. Gjennom gode informasjonskampanjar, motivasjon og engasjement har Rydd Møre fått mange menneske til å ta del i ivaretakinga av naturen gjennom organiserte arrangement som går ut på å rydde søppel i nærområda våre.

Rydd Møre blei starta av LD Studio i 2019 og er eit maritimt ryddeprosjekt for Sunnmøre, og består no av ein solid gjeng med ambassadørar og eldsjeler.

Dei organiserer ryddeaksjonar og får med seg frivillige frå både barnehagar, skuleklassar, studentar og vaksne til å bli med på ryddinga. Eit av måla dei sette seg for 2021 var å samle minst 500 frivillige, men det talet vart meir enn dobla i god tid før utgangen av året, så det er ikkje tvil om at dei er gode på å engasjere.

Rydd Møre sørger for trygg avfallshandtering av det som blir samla inn. Dei gjer arrangementa sine til ei kjekk og sosial happening, og får samstundes delt viktig kunnskap som til dømes konsekvensar forsøpling har for natur og dyr, men også at avfall kan vere ein ressurs, og ikkje berre søppel.

Ålesund kommune sin byggeskikkpris 2021 blir tildelt Jangaard AS som byggherre og Invit Arkitekter AS som arkitekt for Bybadet ved Utstillingsplassen i Ålesund sentrum.

Dette nybygget og den nye aktiviteten er både byutvikling og byfornyelse av beste merke. Et litt «slitent» område av bysentrum er gjennom dette tiltaket samt to større boligprosjekt gitt en viktig og gledelig vitamininnsprøyting. Samtidig har utbygger og arkitekt på en fin måte lykkes med å formgi Bybadet på en moderne måte, som fungerer godt sammen med gjenreisingsbebyggelsen i nabolaget.

Terese Longva vert tildelt Ålesund kommune sin kunstnarpris. Ho er fødd i 1976, bur og arbeider frå staden ho vaks opp; Skuløya i Ålesund.

Terese er ein lokal, nasjonal og internasjonal aktuell kunstnar som tematiserer globale problemstillingar gjennom eit lokalt kunstnarblikk. Terese arbeider i dag hovudsakleg som performancekunstnar, med kroppen og menneske som utgangspunkt.

Med sin kunst har ho nådd ut til eit stort publikum, også dei som vanlegvis ikkje er opptekne av kunst eller synest kunst er viktig i liva deira. Dette har ho fått til gjennom å ta samfunnsdebatten inn i performance-feltet, der ho viser oss at kunst kan ha stor kraft og vere ein måte å formidle bodskap, meiningar og sterke kjensler på. Longva brukar ofte folk frå nærmiljøet i sine performancer- slik får vanlege folk som deltkarar innsikt i kunstverda og bygg sin eigen identitet gjennom å vere ein del av kunsten.

Døme på tematikken Longva arbeider med er fiske- og havforvaltning, fråflytting og særleg aktuelt siste tida, vindmøllemotstand. Ho grip det storpolitiske og knyter det til vår nære kvardag.

Terese er aktiv i det lokale kunstnerlivet i Ålesund der ho er fast lærar ved Ålesund Kunstfagskole, ho er medlem ved Aggregat Kunstnerfellesskap og ho er styremedlem i Biletkunstnarane i Møre og Romsdal og Kunstsenteret i Møre og Romsdal.

Som lærar er ho oppteken av å lytte til det studentane seier og ta dei på ordet. Ho vert omtala som ein lærar som styrker, hjelper , utfordrar og støttar studentane sine på ein unik måte.

Kunstutdanningsreisa starta ved Ålesund Kunstfagskole i 1999 og tok ho i ulike miljø fram til ho i 2016 kom heim til Skuløya og Ålesund.

Ho er aktiv i Performancegruppa PAB (Performance Art Bergen) som årleg arrangerar festivalar rundt i landet. Neste år kjem festivalen til Skuløy. På øya er ho no i gang med å bygge opp Longva residency, ein kunstnarheim, der ho vil trekke til seg både nasjonale og internasjonale kunstnarar.

Døme på arbeid lokalt med globalt blikk er:

Bestillingsverket i 2019 av Jugendstilsenteret og Kube si satsing – The Edge of the Sea. Her arbeidde ho saman med samfunnsvitar Harald Dyrkorn og tittelen var Havlandet utan kystlinje. Dette verket vart teke ut til Statens haustutstilling 2020 og skal også vere med på utstillinga til det nye nasjonalmuseet som skal opne i 2022,  med tema Jeg kaller det kunst.

Roy «Kakken» Carlsen vert tildelt Ålesund kommune sin kultur- og idrettspris for 2021.

Roy Carlsen, som dei fleste kjenner som Kakken, har eit langt liv som kulturarbeidar i Ålesund.  Han ikler seg dei fleste rollene bak scena og dei som opptrer i rampelyset; inspisient, lys- og lydtekniker, sjåfør, scenearbeidar, planleggar, konsertarrangør. Han går stille i alle dører og ordnar uoppfordra det meste som må til for at både gamle og unge får skine.

Med fagkunnskap og integritet skaper han trygge rammer for aktørar og kvalitet i framsyningane på scenene i byen. Han har evna til å knyte saman artistar, management, mannskap og teknikk med stor fagleg dugleik.

Roy Carlsen blir av kulturlivet omtala som engasjert, arbeidsvilleg og løysingsorientert. Desse eigenskapane smørjer dei kulturelle hjula og han legg til rette for gode opplevingar for både aktørar og publikum.

Når kunstnarar og artistar kjem og går er det viktig å ha ein som kjenner kvart hus, scene, byen og folket. Det gjer Roy og han deler si erfaring med nye og uerfarne medarbeidarar. Slik står han for kontinuitet og trygge rammer for kulturlivet i Ålesund.

Ålesund kommune sin heiderspris går til ein av kvardagsheltane blant oss, Per Asle Bjørge. Det blei bestemt av Ålesund formannskap tysdag 30. november.  

Per Asle Bjørge er ei skikkeleg eldsjel frå Lorgja på Ellingsøy. Han har i fleire tiår lagt ned eit særleg stort arbeid i Ellingsøy IL, det lokale vassverket, bygging av gapahuken på Sperrenakken, julelys på fjellet, velforeninga og kyrkjedugnad. På vinterstid har han sidan 2007 brøyta den nye kunstgressbana, laga nye parkeringsplassar og berre i fjor laga han ny parkeringsplass til Stikk-UT posten på nordsida for å nemne noko. I 2003 blei han utnemnt som æresmedlem i Ellingsøy IL.

-  Per Asle er ein mann som ikkje seier nei når dugnad i lokalsamfunnet skal gjerast. Han er eit unikum når det kjem til å fikse ting, og er flink til å samle menneske og de gode kreftene for å få ting til å skje, seier ordførar Eva Vinje Aurdal.