Ålesund kommune varslar oppstart av forhandlingar om utbyggingsavtale som vert inngått mellom Ålesund kommune og selskapet «Sørsida infrastruktur» (infrastrukturselskap under etablering). Forhandlingane gjeld utbyggingsavtale for sørlige del av Sørsida, innafor rammer av reguleringsplan 15042012001784: "Ålesunds sentrale sørside" (Sørsideplanen), iverksett 5.3.2015. Sjå geografisk avgrensing for avtalen innafor stipla linje i bilde:

Geografisk avgrensing for avtalen innafor stipla linje i bilde. Ålesund kommune

Utbyggingsavtalen il hovudsakleg gjelde opparbeiding og etablering av teknisk og grønn infrastruktur, ta stilling til praktisk gjennomføring og økonomisk ansvarsfordeling mellom partane i avtalen. Ved einigheit vil framforhandla utbyggingsavtale leggast til offentleg ettersyn før avtalen vert inngått.

Kunngjeringsplikta går fram av Plan- og bygningsloven 27. juni 2008 nr. 71 § 17-4 første ledd.

Gje innspel

Spørsmål og merknader til forhandlingane merkast med navn og saksnummer «23/7073 Utbyggingsavtale – søndre del av Sørsida», og kan sendast skriftleg:

• Digitalt høyringsskjema

• Med epost til postmottak@alesund.kommune.no
• Med brev til postadresse: «Ålesund kommune, postboks 1521, 6025 Ålesund»

Ansvarlig for høyringa er avdeling Utbygging og prosjektering, Vatn og avløp.

 Frist for å kome med merknader er 13. september.