Det er sett ned to politiske utval, kommuneutval Haram og kommuneutval Ålesund. Alle saker av prinsipiell overordna karakter som gjeld førebuing og etablering av Haram kommune og Ålesund kommune frå 01.01.2024 skal leggast fram for dei to kommuneutvala.

Du kan følgje arbeidet til kommuneutval Haram og kommuneutval Ålesund. 

Meir informasjon om den politiske organiseringa.

Kommunedelinga er organisert som eit prosjekt med to prosjektleiarar.

Anders Hammer vil fungere som prosjektleiar for kommunedelinga for Haram 2024 frå 1. januar 2023 fram til han tiltrer som kommunedirektør i Haram kommune 1. januar 2024.

Regine Bruteig er tilsett som prosjektleiar for kommunedelinga for Ålesund 2024.

Jon Steven Hasseldal er prosjekteigar og leiar i styringsgruppa. Styringsgruppa er kommunedirektørens leiargruppe.

Meir informasjon om den administrative organiseringa.

Størrelse på  kommunestyra i dei to nye kommunane vart vedtatt av Ålesund kommunestyre i møte 16. juni 2022 i sak 102/22:

• Ålesund kommunestyre skal bestå av 47 representantar
• Haram kommunestyre skal bestå av 27 representantar

Kommuneutvala har sett ned kvart sitt arbeidsutval som arbeidar med politisk styringsstruktur. Dette arbeidet skal vere ferdig til sommaren 2023 og stadfestast i kommunestyra i deira første møte.

Kommuneutval Haram vedtok i møte 23. september 2022 å tilsette Anders Hammer som kommunedirektør i nye Haram kommune. 

Kommuneutval Ålesund stadfesta i møte 6. oktober 2022  vurderinga om at Jon Steven Hasseldal har rettskrav på stillinga som kommunedirektør i nye Ålesund kommune.

Stortinget har vedtatt forskrift om deling av Ålesund kommune til Haram kommune og Ålesund kommune.

Kommunestyret har vedtatt ulike sentrale prinsipp for å forenkle og effektivisere prosjektgjennomføringa.

116/22 - Interkommunalt samarbeid og eigarskap ved deling av Ålesund kommune

117/22 - Prinsippavklaring fro IKT ved kommunedeling

118/22 - Prinsippfråsegn for deling av Ålesund kommune

119/22 - Delegering av mynde - tilsetting av kommunedirektørar og anna nøkkelpersonell for Haram 2024 og Ålesund 2024