Kor lang tid tar saksbehandlinga av plansaker?Behandlingstida er avhengig av størrelse og kor kompleks saka er, men det går fort eit år. Sist endra 31.05.2023 09.15 Mange reguleringssaker kan vere kontroversielle; politisk, ovanfor overordna styresmakter, nabolag eller ulike interessegrupper. Slike saker kan derfor ofte ta lengre tid. Når vi mottar bestilling av oppstartsmøte Når vi mottar ei bestilling av eit oppstartsmøte, får du som regel svar frå oss innan to veker etter saka har fått tildelt saksbehandlar og det har blitt gjort nødvendige avklaringar. Etter dette avtaler vi eit oppstartsmøte. Når vi mottar eit planforslag Når vi mottar eit planforslag, sjekkar vi om det er komplett. Frå planforslaget er komplett, har vi ein lovpålagt frist på 12 veker til å sende forslaget til offentleg ettersyn. Planforslaga skal ligge ute til offentleg ettersyn i minst seks veker. Når planforslaget er ferdig på offentleg ettersyn Etter offentleg ettersyn, bør planforslaget vere klart til politisk behandling innan 12 veker. Fristen kan forlengast med ytterlegare seks veker dersom det er nødvendig i store og kompliserte saker, og der det er behov for ytterlegare avklaring. Tida de bruker på å oppdatere planforslaget etter vårt felles merknadsmøte, er ikkje inkludert i dei 12 eller 18 vekene. Ansvarleg for tenesta Plan og geodata