Ergoterapi for barn og unge
Ergoterapeutar har fokus på førebygging og tidleg innsats, for å framme aktivitet, deltaking og inkludering for mennesker med ulike utfordringar i kvardagslivet. Barn og unge utviklar seg og lærer ting gjennom leik og aktivitet, i samspel med sine omgjevnader.
Mange blir hindra i å delta i leik og fritidsaktivitetar i skule og nærmiljø, fordi dei ikkje meistrar dei krava og forventningane som blir stilt til dei. Tidleg innsats er viktig for å sikre ei god utvikling og krev tett tverrfagleg samarbeid. Oppfølging kan vere på helsestasjon, i barnehage, skule og heime for barn som opplever vanskar med aktivitet.
Kva tilbyr vi?
Dette kan ein ergoterapeut bidra med:
- Ergoterapeutar gjer kvardagslivet mogeleg for enda fleire.
- Ergoterapeutar finn løysingar når det blir et gap mellom helsa og kvardagens krav.
- Ergoterapeutar er meir opptatt av løysingar enn av problem, og leitar etter ressursar. Difor startar ergoterapeuten med å spørje om kva som er viktige aktivitetar i livet ditt – og korleis du vil delta.
- Ergoterapeutar kartlegg personens ønskjer og mogelegheiter for aktivitet og deltaking. Ergoterapeutar støttar deretter personen si meistring med motivasjon og trening av konkrete aktivitetar.
- Ergoterapeutar foreslår enklare aktivitetar og tilpassing av aktivitetar. Vi bidreg til inkluderande omgivnader. Saman med deg, finn ergoterapeuten løysningar som gjer at du kan leve eit aktivt liv og delta i samfunnet.
Ergoterapeuten:
- Har kompetanse på samspel mellom person, aktivitet og omgjevnader som bidrar til deltaking og inkludering.
- Kartlegg barnet sine ressursar og utfordringar i daglege aktivitetar i skule og fritid, gjerne i samarbeid med fysioterapeut. Vidare kartlegg ergoterapeutane handmotorisk og sansemotorisk funksjon.
- Nytter aktivitet og leik i trening for å bidra til meistring i dagleglivet.
- Rettleier barnet, ungdommen, føresette, barnehage og skule om leik, kvardagsaktivitet, deltaking og inkludering på ulike arenaer.
- Kartlegg og legg til rette omgjevnader for å kompensere for redusert/tapt funksjon.
- Legg til rette dei fysiske omgjevnadene ved hjelp av tekniske hjelpemiddel og velferdsteknologi.
- Rettleier om universell utforming av blant anna skular og barnehagar.
Korleis få tenesta?
Søk via HelsaMi
eller
Søk tilvising ergo- og fysioterapi for barn
- Tilvisingsskjema fyllast ut av deg sjølv, pårørande eller helsepersonell og sendast til tenesta. Føresette kan òg ta kontakt med barnet sin helsestasjon for å få kontaktinfornasjon til ansvarleg ergoterapeut.
- Tilvisingar som kjem inn til tenesta blir vurdert og prioritert ut frå alvorsgrad og hastegrad, etter den same prioriteringsnøkkelen i heile kommuna.
Rask intervensjon blir vurdert å ha særleg stor betydning for brukaren sitt funksjonsnivå, lindring og livskvalitet.
- Lungesjukdom i aktiv fase
- Kognitiv svikt/demens der det er stor fare for skade eller brann
- Terminal fase og kort forventa levetid
- ALS
- Trykksår eller begynnande utvikling av trykksår
- Pasientar på korttidsplass Base Indre
Max ventetid: 7 dagar
Tidlig innblanding vert vurdert å ha stor påverknad for å setja brukaren i stand til å få tilbake, utvikle eller oppretthalde funksjonsnivå, og hindre ytterlegare funksjonstap.
Problemstillingar:
- Fallrisiko utan tidlegare igangsette fallførebyggjande tiltak
- Opptrening/oppfølging ved utskriving frå sjukehus, helsehus og rehabiliteringsinstitusjonar der brukaren har hatt nytte av påbegynte tiltak, men der fysisk funksjon og/eller heimesituasjon tilseier behov for vidare intervensjon. Gjeld òg oppstart av bustadtilpassing
- Personar som på grunn av eit funksjonstap opplever aukande utfordringar, eller har slutta å utføre enkelte daglege aktivitetar dei nyleg har meistra, og difor har behov for ei vurdering
- Hurtig progredierande lidingar
- Sjukdom/skade/liding der deltaking, aktivitet, funksjon eller smerter vil bli vesentleg forverra dersom iverksetjing av tiltak blir utsett. Gjeld òg ved behov for rettleiing av personalet på institusjon
- Byte av defekte hjelpemiddel som påverkar sjølvstende i ADL, der ingen andre tenesteytarar kan utføre det
Max ventetid: 14 dagar
Tidlig innblanding vert vurdert å ha stor påverknad for å forbetre og/eller oppretthalde funksjonsnivå og livskvalitet.
Problemstillingar:
- Fallrisiko der fallførebyggjande tiltak er sette i gang
- Sjukdom/skade/liding med gradvis forverring, der ein ikkje fell inn under problemstillingar gitt i prioritet 1 og 2
- Behov for funksjonsvurdering vedrørande biltilpassing (base gir informasjon om saksgang dersom førespurnaden ikkje kom via tenestetelefon)
- Bustadkartlegging og oppfølging i samband med flytting, utbetring eller ombygging av bustad på grunn av langvarig/kronisk liding
Max ventetid: 30 dagar
Tidlig innblanding vert vurdert å vere viktig for brukaren, men kan vente.
Problemstillingar:
- Vedlikehaldstrening/-behandling (bolkebehandling)
- Varig nedsett funksjonsnivå/kroniske lidingar i stabil fase der tiltak kan vente
- Byte av hjelpemiddel der utleverte hjelpemiddel framleis kan brukast
- Bistand i planlagde overgangsfasar der oppfølginga kan planleggjast i god tid
- Balansegruppe. NB! Endre fristdato til næraste komande dato av følgjande alternativ: 10.01, 10.04, 10.08 og 10.10. Dersom deltakar i gruppa nettopp har delteke i balansegruppe som er avslutta, skal ein setje forfallsdato til den neste etter næraste komande. Døme: balansegruppe avslutta i mars → forfallsdato blir 10.08 og ikkje 10.04.
Max ventetid: 90 dagar
Pris
Tenesta er gratis.
Kontakt
Vakttelefon for fysio- og ergoterapi: 90 97 25 46. Måndag – fredag kl 10.00 – 13.00