Kva tilbyr vi?  

Vi har tilbod om alt frå dagtilbod til overnatting og permanent bustad.   

Avlastingsbustaden og barnebustaden har heildøgns bemanning. Vår overordna målsetting er å skape ein heim for brukarane.  

Bustadene har ei dedikert personalgruppe som  består av ulike profesjonar som til dømes vernepleiarar, barnevernspedagogar, førskulelærarar, hjelpepleiarar, omsorgsarbeidarar og pleiemedarbeidarar. Desse jobbar tett saman for å kunne gi brukarane ein best mogleg kvardag.   

Arbeidet føreset eit omfattande samarbeid med andre instansar i første og andrelinetenesta, pårørande/hjelpeverje, skule, dagtilbod og SFO-ordningar.  

Vi ønsker å bidra til eit heilskapleg tenestetilbod som er tilpassa brukaren og familien sitt ønske. Det er eit avlastingstilbod for foreldre. Vi bidreg til at den enkelte får ei moglegheit til å ha ein trygg og god kvardag der fokuset er på omsorg, tilrettelagt miljøarbeid, oppfølging i kvardagen og til å ha eit aktivt og meiningsfylt tilvære.   

Kven kan få tilbodet?  

Tilbodet er retta mot barn/ungdom med funksjonsnedsettingar.

Korleis få tilbodet?  

Ta kontakt med tildelingskontoret, her vil dei i samråd med dykk og avlastinga finne eit tilbod som er til det beste for dykk.