Nær 1,6 million barn og vaksne i Norge tilhøyrer grupper med auka risiko for komplikasjonar av influensa. Ein reknar med at det i gjennomsnitt døyr 900 personar i Noreg kvart år som følgje av sjukdomen. Influensavaksinen kan redde mange av desse.

Influensa kan mellom anna føre til lungebetennelse og forverring av kroniske sjukdomar. Dersom du får alvorlege komplikasjonar av influensa, kan det hende du må leggjast inn på sjukehus. Enkelte får varig svekka helse etter alvorleg influensasjukdom.

Personar med hjarte-/karlidingar er i influensasesongen meir utsette for hjarteinfarkt, hjerneslag og død enn elles i året. Influensavaksinasjon kan bidra til å verne mot slike hendingar.

Influensa i svangerskapet gir noko høgare risiko for dødfødsel. Gravide er òg meir utsette for å få følgjesjukdomar, mellom anna lungebetennelse, enn andre friske kvinner.

Influensa hos spedbarn kan vere alvorleg. Dersom mor vaksinerer seg under graviditeten, blir barnet verna mot influensa den første tida etter fødselen.

Influensavaksine gir vern mot fleire ulike typar influensavirus.  Influensavaksinen vernar ikkje mot koronavirus eller andre virus og bakteriar som også kan gi influensaliknande symptom.

Vanlege influensasymptom er feber, tørrhoste, rennande nase, slappheit, hovudverk og muskelsmerter i 3–10 dagar.

Vi tilrår at personar i risikogruppene tek vaksine mot sesonginfluensa årleg. Dette er nødvendig fordi  influensaviruset endrar seg heile tida og vaksinen må kvart år tilpassast desse endringane. Effekten av vaksinen reduserast også over tid.

Vaksine mot sesonginfluensa har vore brukt i mange år.

Influensavaksinen kan, som andre vaksiner, føre til ømheit, raud hud og hevingar på stikkstaden samt feber, lett sjukdomskjensle og muskelsmerter. Allergiske reaksjonar eller andre alvorlege biverknader skjer svært sjeldan. Influensavaksinen kan ikkje gi influensasjukdom.
 

Vaksinen er distribuert ut til fastlegar og andre som skal sette vaksinane. Sjukeheimsbebuarar får tilbod om ei eiga vaksine.

• I år må alle betale for å få sett vaksinen slik som før pandemien. Vaksinen har redusert pris for risikogruppa og kostar kr 88. I tillegg kjem eit beløp for å sette vaksinen. Dette kan variere alt etter i kva situasjon du får vert vaksinert. Dei som har frikort må også betale.
• Arbeidsgivar dekker utgifter til å vaksinere helsepersonell. 

Vaksinen får du primært hos fastlegen din. Finn kontaktinformasjon til ditt legekontor her. 

Kontakt fastlegen for å gjere avtale om tid for vaksinasjon. For nokre legekontor finn du eigen informasjon under. 

Skodje legekontor

Risikogruppa og andre kan få vaksine ved kontakt med Skodje legekontor på 70 24 40 60 eller sjølv reservere avtale ved å logge inn på helsenorge.no/timeavtale.

Influensavaksinasjonen blir registrert i Nasjonalt vaksinasjonsregister (SYSVAK). Registrerte vaksinasjonar finn du på: Helsenorge.no

Under koronapandemien var influensavaksinen nesten gratis. I år er det igjen same betaling for vaksinen. Den skal likevel vere billigare for risikogruppa enn for andre.

Personar i risikogruppene betaler kr 88 for sjølve vaksinen. I tillegg må ein betale eit beløp for å få sett vaksine. Dette beløpet kan variere alt etter kor og i kva situasjon du får vaksinen.

Influensavaksine og oppfriskningsdose med koronavaksine kan no setjast samtidig. Koronavaksinen er framleis gratis. Meir om koronavaksinen.