Silvia og TonjeI denne verkstaden får du først sjå dei profesjonelle kunstnarane i aksjon. Tonje dansar og bevegar seg, og Silvia fangar opp dette gjennom skisser på papir og lerret. Elevane blir så delt inn i to grupper der eine blir vist metodar for å danse/bevege seg, og den andre får teikne og lage skisser. Deretter skal det lagast koreografi utifrå skissene.
Kunstnarane ønsker å formidle sine kunstformer til 5.klassingane, slik at dei ser gleda i å bevege seg og teikne.
Om kunstnar/utøver/gruppe
Tonje Aas Molnes er en frilans danseartist frå Ålesund. Ho er utdanna ved Bårdar Danseakademi der ho jobba som dansar, danselærar og koreograf i fleire år etter endt utdanning. Ho har medverka i fleire produksjonar for kompanier som Inamorata Dancecompany, Den Norske Opera og Ballett, Melodi Grand prix, T.A.M Productions, Stellaris DansTeater. m.m.
Det som interesserer Tonje er å leike med forskjellige stiler, uttrykk og bevegelsesmateriale. Ho er medskapande utøvar på dei fleste prosjekt ho er involvert i, og har koreografert for både profesjonelle og amatørar. Ho har halde og held framleis verkstadar i både drill, dans, akrobatikk, handståande og parkour i inn og utland.
Silvia Ilona Klatt er ein biletkunstnar som jobbar med oljemaleri i ein fri realistisk stil. Ho er utdanna i klassisk maleri i Firenze, og har dermed eit sterkt fundament for å skape verk av moderne realisme med klassisk kunnskap. Fokuset ligg på norske eventyrlege landskap og portrett, illustrasjon og teikningar. Ho har også lang erfaring med undervisning av barn, ungdom og vaksne i teikning og maling.
Under utdanninga var fokuset å studere menneska sin anatomi, og ho eksperimenterer med å vise kroppar i rørsle. Å jobbe med ein dansar i samarbeid, er eit perfekt oppsett. Silvia brenn for å undervise i teikning med tilnærminga å lære å sjå og forstå form og proporsjoner. Med si erfaring i arbeid med born og unge, har ho ein morosam og leiken tilnærming til å gi kunnskapen bak kunsten å dele gleda ved å skape visuelt.