Koordinering og tildeling er namnet på Ålesund kommune sitt tildelingskontor for helse og omsorgstenester (tildelingskontoret) og den koordinerande eininga til kommunen (KE).
Koordinering og tildeling svarer på spørsmål, gir rettleiing og behandlar søknader om helse- og omsorgstenester. Vi skal bidra til at:
- Det blir “ei dør inn” og éin stad å vende seg for helse- og omsorgstenester.
- Sikre lik tilgang på tenester, uavhengig av kvar i kommunane du bur.
- Sikre at brukarane får heilskaplege, fleksible og føreseielege tenester.
- Skal bidra til samordning av kommunale tenester og samarbeid med andre etatar og eksterne tenester, for å sikra heilskap og samanheng i tilbodet til den som tek imot tenestane.
Kven gjer kva?
Koordinerande eining (KE)
Koordinerande eining (KE) har eit overordna ansvar for individuell plan, og for oppnemning, opplæring og rettleiing av koordinatorar.
KE har oversikt over kommunen sitt tilbod innan habilitering og rehabilitering, og dessutan ei sentral rolle i planlegging og utvikling av desse tenestene i kommunen.
Tildelingskontoret
På Tildelingskontoret jobbar det saksbehandlarar, med ulik helsefagleg høgskoleutdanning, som behandlar søknader om helse- og omsorgstenester. Vi har også koordinatorar, som i samarbeid med tenestene skal sikra at brukarane får samsvarte og koordinert tenester. Søknader om tilrettelagt transport (TT-kort) og parkeringslette for funksjonshemma (HC-kort)blir også behandla her
Tildelingskontoret behandlar alle søknader om helse- og omsorgstenester i kommunen og tek enkeltvedtak etter avgjerdene til forvaltningslova. Saksbehandlinga vår skal bidra til å sikra at innbyggjarane får rett tenester til rett tid og i tilstrekkeleg omfang.
Det blir jobba etter “heime lengst mogleg”-perspektivet, der det blir lagt til rette for kvardagsmeistring og at innbyggjarane skal klara seg lengst mogleg i eigen bustad. Dersom det er behov for rask oppstart, kan du ta kontakt på telefon.
Tildelingskontoret skal også gi informasjon og rettleiing i forhold til kva tenester vi har, det å søkja på tenester og også gi bistand ved eventuelle klager.
Kontakt
Leiing
Koordinatorar
Søk etter kontaktinformasjon