Kva kan du sende i eDialog?
Du kan bruke eDialog når du skal sende inn noko som skal behandlast eller registrerast hos kommunen, til dømes:
- dokument og vedlegg
- spørsmål og førespurnader i saker
- klagar og merknader
- innspel til saker
Derfor bør du bruke eDialog
Å sende dokument via e-post kan vere usikkert, i tillegg kan dei bli stoppa i spamfilteret hos e-postleverandøren. Ved å bruke eDialog kjem dokumenta dine raskt fram til oss på ein enkelt og trygg måte.
Vi oppmodar både privatpersonar, bedrifter og organisasjonar til å nytte eDialog til å sende dokument trygt inn til oss.
Når du bruker eDialog, får vi riktig informasjon om avsendar, noko som gjer behandlinga raskare og enklare.
Slik brukar du eDialog
- Gå til Send sikker digital post til Ålesund kommune.
- Logg deg på med elektronisk ID.
- Skriv melding og last opp eventuelle dokument du vil sende til oss.
Slik fyller du ut skjemaet
- Obligatoriske felt er merka med * (raud stjerne).
- Tittel: Her skal du fylle inn kva saka gjeld, gjerne saksnummeret om du kjenner til det.
- Melding: Gi ei god beskriving av kva saka gjeld.
- Hugs å laste opp relevante vedlegg.
- Vel om forsendinga har sensitivt innhald.
- Fyll ut informasjon om avsendar.
- Sjå gjennom oppsummeringa, og klikk på “Send skjemaet”. Forsendinga blir kryptert og sendt direkte til vårt saks-/arkivsystem.
- Du får kvittering med referansenummer på e-post.
Når treng du ikkje bruke eDialog?
- Har du spørsmål om kommunen sine tenester, kontakt innbyggartorga.
- Har du spørsmål om saker som ikkje inneheld sensitive eller teiepliktige opplysningar, kan du sende e-post til postmottak@alesund.kommune.no. Vi anbefaler likevel å bruke eDialog, slik at forsendinga blir registrert og behandla på ein trygg og korrekt måte.