Hos oss kan du jobbe innan fleire fagområde, mellom anna:
- vatn og avløp
- veg, anlegg og park
- plan og bygning
- kart, geodata, oppmåling og grunnverv
Tekniske tenester er avgjerande for at kvardagen i kommunen skal fungere. Dette er samfunnskritiske tenester som stiller høge krav til kvalitet, tryggleik og berekraft, og som blir stadig viktigare i møte med nye behov og forventningar.
I tekniske tenester får du vere med på å byggje og utvikle kommunen. Arbeidet handlar mellom anna om reint drikkevatn, trygge vegar, gode offentlege rom, berekraftig arealutvikling og oppdaterte kart- og eigedomsdata. Du kan også vere med på å utvikle framtidsretta løysingar innan mobilitet, klima og digitalisering.
Hos oss samarbeider vi tett på tvers av fagområde, med andre kommunale verksemder og selskap, og med regionale styresmakter og andre samfunnsaktørar. Det gir varierte arbeidsoppgåver, spennande utfordringar og gode moglegheiter for fagleg utvikling.
Finn ledige jobbar
Sjå alle ledige tillingar i Ålesund kommune (Webcruiter)
Lagre søket, så får du e‑post når nye stillingar kjem.
Vi jobbar saman for å skape gode, trygge og framtidsretta løysingar for lokalsamfunnet.
Kva kan du jobbe med?
I tekniske tenester finn du mange ulike fagområde og arbeidsoppgåver. Nokre stillingar er operative og praktiske, medan andre er meir administrative, tekniske eller prosjektorienterte. Felles for dei alle er at dei bidreg til at kommunen fungerer godt – kvar dag.
Drift og vedlikehald
Her arbeider du med dagleg drift, tilsyn og vedlikehald av kommunale bygg, anlegg og uteområde. Du bidreg til trygge, funksjonelle og godt vedlikehaldne omgjevnader for innbyggjarar og tilsette.
Vatn, avløp og teknisk infrastruktur
Her er du med på å sikre viktige tenester som innbyggjarane er avhengige av kvar dag. Oppgåvene kan vere drift, vedlikehald, kontroll og utvikling av vatn-, avløps- og andre tekniske anlegg.
Veg, park og uteområde
Her arbeider du med å halde kommunale vegar, grøntområde, parkar og andre uteområde i god stand. Dette kan omfatte drift, vedlikehald, sesongarbeid og tiltak som gjer nærmiljøet trygt og triveleg.
Eigedom og byggforvaltning
Her arbeider du med forvaltning, drift og utvikling av kommunen sine bygg og eigedomar. Oppgåvene kan vere oppfølging av byggtekniske forhold, vedlikehaldsplanar, leigeforhold og koordinering av tiltak.
Prosjekt og utvikling
Her får du vere med på å planleggje og gjennomføre prosjekt innan bygg, anlegg og teknisk infrastruktur. Du kan arbeide med koordinering, framdrift, oppfølging og utvikling av framtidsretta løysingar for kommunen.
Teknisk saksbehandling og oppfølging
Her arbeider du med faglege vurderingar, dokumentasjon, oppfølging av saker og kontakt med innbyggjarar, entreprenørar og andre samarbeidspartnarar. Dette passar for deg som likar å kombinere fagkunnskap med struktur og samhandling.
Miljø og berekraft
Her bidreg du til at kommunen arbeider meir berekraftig og tek vare på ressursane sine på ein god måte. Oppgåvene kan vere knytte til energi, miljøtiltak, avfall, klimatilpassing og forbetringsarbeid.