Brosundtunnelen i Ålesund

Målet med Brosundtunnelen er å avlaste dagens trafikk gjennom Ålesund sentrum og legge til rette for eit attraktivt bysentrum med gode byrom. Prosjektet skal tilrettelegge for bedre boligutvikling, arbeidsplassar, handel og kulturaktivitetar med byliv og opphald.

Planavgrensning til Brosundtunnelen

Prosjektet gjennomførast i regi av Ålesund kommune. Statens vegvesen, Møre og Romsdal fylkeskommune og Bypakke Ålesund har ingen formell rolle, men fungerer som ein ekstern samarbeidsgruppe for prosjektet.

Brusundtunnelen er ikkje inkludert i bypakken, men det er like fullt ønskt å greie ut tunnelen i samanheng med samla trafikkløysing for ytre bydel og sentrum med vekt på trafikk, kollektiv, sykkel og gonge i vidare utvikling av byen.

Brosundtunnelen

Om prosjektet

Mål

Brosundtunnelen har som formål å redusere trafikkbelastninga gjennom gatene i sentrum ved å leie gjennomfartstrafikken i ein ny undersjøisk tunnel og legge til rette for et attraktivt bysentrum med gode byrom.

Ein redusert trafikk- og miljøbelastning i bysentrum vil legge til rette for bustadutvikling, arbeidsplassar, handel og kulturaktivitetar og hjelpe å forme ut nytt veg- og gateanlegg tilpassa urbane omgivelsar som fremmar by- og næringsutvikling i sentrum og ytre bydel.

Tunnelen er meint å vere det føretrekte alternativet for biltransport som kryssar Brosundet gjennom sentrum.

Planavgrensning til Brosundtunnelen

Bakgrunn for prosjektet

2017 - Politisk bestilling

Planarbeidet for Brosundtunnelen er ei politisk bestilling med med forankring i Ålesund bystyre si budsjettbehandling for 2017, der det mellom anna vart sett av midlar til planlegging og regulering av Brosundtunnelen.

Arbeidet med Brosundtunnelen er i tråd med føringane i kommunedelplanen for Ålesund sin arealdel 2016 - 2028.

2018 - Idéprosess

Våren 2018 vart det gjennomført ein idéprosess for å evaluere alternativar til kvar vegtrasèen til Brosundtunnelen kan gå. Fleire alternativ var drøfta, og på bakgrunn av dei faglige vurderingane og innspela som var innkomne vart det utarbeida eit dokument som oppsummerar resultatet fra idéprosessen. Dokumentet finn ein her: Brosundtunnelen -Idéutvikling og overordna-siling (PDF, 2 MB)

2021 - Vedtatt planprogram

I oppstartsfasen av planprosessen for Brosundtunnelen vart det laga eit planprogram. Planprogrammet er eit plan- og utgreiingsarbeid som dannar grunnlag for utarbeiding av ein reguleringsplan og listar opp fleire tema som inngår i konsekvensutredning, og avklarar kva som vil vere viktige omsyn i det vidare planarbeidet. Planprogrammet hadde ein høyringsfrist på 6 veker frå kunngjeringsdato, og var behandla og fastsett av Ålesund kommune i 2021. Dokumentet for vedtatt planprogram finn ein her: Brosundtunnelen - Fastsatt planprogram (PDF, 6 MB)

2023 - Oppstart detaljprosjektering for tunnelinnslag på Ysteneset

Det blei varsla oppstart om detaljregulering for det austlege tunnelinnslaget på Ysteneset i november 2023. Dette er eit pågåande planarbeid som hadde ein frist for innspel 31.12.2023.

Pågåande planarbeid

Brosundtunnelen inngjekk tidlegare i første fase av Bypakke Ålesund, men vart gjennom politisk behandling forskyve til fase to. Finansieringa av Brosundtunnelen er førebels ikkje avklart, og det er uvisst når realiseringa av prosjektet vil skje. På bakgrunn av dette, og fordi kommunen dei siste åra har fått fleire førespurnader om vidareutvikling av eigedommane rundt Ysteneset, vurderar vi det som formålstenleg å dele planarbeidet for Brosundtunnelen inn i fleire fasar og delområde. På denne måten sikrar vi framdrift samtidig som vi kan få på plass viktige avklaringar om mellom anna arealbehov og trafikkløysing raskare.

Detaljregulering for Brosundtunnelen, tunnelinnslag Ysteneset

Vi jobbar no med eit planarbeid på Ysteneset. Det vart varsla oppstart om detaljregulering for det austlege tunnelinnslaget på Ysteneset i november 2023. Frist for innspel til varslinga var 31.12.2023. Planarbeidet pågår no vidare.
Ålesund kommune er forslagsstillar og Norconsult AS er ansvarleg plankonsultent.

Planavgrensning ved planoppstart. Endringar kan skje.

Planområde

Planarbeidet for heile Brosundtunnelen under Ålesund bysentrum vart opphaveleg varsla mars 2019. Planarbeidet skal takast opp igjen, men no berre for tunnelinnslaget i aust. Vi prioriterar det austlege tunnelinnslaget først då denne enden har det mest omfattande arealet på Ysteneset. Det er nærare sentrum, må koblast til E136 og må samkjøyrast meir med andre pågåande prosjekt for byutvikling og kollektivtransport. Det vestlige tunnelinnslaget på Aspøya vil ha eit eige reguleringsarbeid på eit seinare tidspunkt.