Vi arbeider med boring og klargjering for sprenging på råvasspumpestasjonen. Det er ikkje forventa sprenging før tidlegast fredag 23. august.

Naboane vert halde orientert med sms frå byggeleiar. 

I august startar arbeidet med rørtransport og rørlegging i Brusdalsvatnet. Det betyr auka trafikk i Fremmerholen og auka aktivitet i og ved Brusdalsvatnet.

Her vil kome meir informasjon om korleis dette skal skje og kva vi gjer for at det skal ha minst mogleg ulempe for naboar og natur. 

Informasjon vert også gitt på nabolagsmøte i lokala til Ålesund Jeger- og Sportfiskerforening, Holsmyrvegen 60 torsdag 8. august kl 18-19.
 

Råvasspumpestasjonen

Har du spørsmål om det som skjer og skal skje ved råvasspumpestasjonen framover?

Vi inviterer til treff på råvasspumpestasjonen onsdag 7. august kl 17 - 19 der du får prate med prosjektleiar Marthe Strømme og byggeleiar Terje Melseth.

Sidan dette er rett etter jobb, serverer vi også pølser med brød saman med praten. 

Rørtransport og rørlegging i Brusdalsvatnet

I august startar arbeidet med rørtransport og rørlegging i Brusdalsvatnet. Det betyr auka trafikk i Fremmerholen og auka aktivitet i og ved Brusdalsvatnet.

Vi inviterer difor til nabolagsmøte onsdag 14. august kl. 18-19 i Jeger og fiskeforeninga sine lokale i Holsmyrvegen 60.  Dei næraste naboane får direkte invitasjon. På møtet du informasjon om trafikkavvikling, arbeidet som skal gjerast og kva vi gjer for at dette skal ha minst mogleg ulempe for naboar og natur. 

Det blir ferieavvikling både for arbeidet i Brusdalsvegen 208 og på råvasspumpestasjonen i tre veker. Det skjer i veke 28, 29 og 30, frå mandag 8. juli og fram til mandag 29. juli. 

Her er bilde frå byggekamera som viser kor langt dei har kome fram til torsdag 4. juli

Brusdalsvegen 208

Råvasspumpestasjonen

Etter ferien, frå veke 31, vil truleg truleg grunnentreprenøren starte med boring for sprengningsarbeid i samband med med grøfta frå pumpestasjonen og til Rødsetvegen. Sjølve sprengningsarbeidet for grøfta vil starte opp i veke 32. Det er tre hus som skal få påmontert vibrasjonsmålarar. Dei som bur der blir kontakta før sprengingsarbeidet.  

Boring og sprenging for sjølve pumpestasjonen er fortsatt planlagt frå medio september.

For å ta vare på meir av den naturlege vegetasjonen på tomta til Råvasspumpestasjonen, så har vi har vi endra plassering av arbeidsbrakkene.

Ny plassering gjer det også enklare å kome seg fram til brakkene og det forenklar arbeidet med å legge rørleidning og elektrisitetskablar. 

Brakkeriggen er tre brakker som er ein etasje høge.

Ny riggplan ser du her. (PDF, 860 kB)

I månadsskiftet mai/juni vert det auka aktivitet ved byggeplassen for den nye råvasspumpestasjonen. 

Planen er at vi startar med å montere reinseanlegg for anleggsvatn mandag 27. mai. Anlegget er fire, fem containarar som skal plasserast på tomta.

Ut i veka vert det også etablert ein mindre brakkerigg.

Og med auka aktivitet på tomta, vert det også auka trafikk i Bregnevegen.

I mai skal dette skje:

Brusdalsvegen 208:

Både bygget for reintvatn og for vassbehandlinga har kome godt i gang. I reintvassbygget støyper vi no veggar. I løpet av mai vil vi også begynne på veggane for sjølve reintvassbassenget. For vassbehandlingsbygget vil det i mai i hovudsak vere arbeid med botnplatene.

Det vert også noko grunnarbeid på tomta med legging av VA-leidninga og generelt grunnarbeid i samanheng med betongarbeidet. Ein må rekne med generell støy frå maskinar og utstyr.

Sprengingsarbeidet i Brusdalsvegen 208 er i all hovudsak ferdig. Vi kan likevel måtte sprenge noko i samband med grøfter for VA-leidningar, men dette vert i tilfelle forholdsvis små salvar.

Råvasspumpestasjonen

Her har vi etablert siltgardin og oljelenser og grunnarbeidet er så vidt i gang. På denne tomta vil det no i mai for det meste pågå grunnarbeid, og i starten av månaden vert det etablert veg inn til byggetomta. Etter kvart vert det midlertidig omlegging av spillvatn- og overvassleidningar sidan dei ligg gjennom tomta til det framtidige bygget. 

I mai må ein rekne med generell støy fra maskinar og utstyr. Det vert også anleggstrafikk i Bregnevegen.

I juni begynner vi med spuntarbeid. Dette er støyande arbeid, men vi vil halde oss til tidene som er sett for slikt arbeid.

Sikring av Brusdalsvatnet

I slutten av april vart det lagt ut dobbel silt-gardin som eit hinder i Brusdalsvatnet, for å stoppe jordpartiklar frå gravearbeidet å kome ut i drikkevasskjelda.

Innanfor hinderet vil vatnet vere grått. Dette kjem av små partiklar frå rein jord og grus og vil etterkvart sekke ned og legge seg til ro på botnen.

Silt-gardin er eit av ei lang rekke tiltak som blir gjort for å verne drikkevatnet.

Prøveboring i fjell

Rett etter påske skal det prøveborast i fjell der råvasspumpestasjonen skal kome.  Det må vi gjere for å kartlegge djupne og bestille rett lengde på rørspunten som skal installerast seinare i vår.

Vi skal bore ti punkt.  Stort sett er det normalt motorstøy når ein borar i lausmasser, men akkurat når ein borar seg inn i fjellet vert det noko støy.

Vi håper å få unna prøveboringa i løpet av to dagar, men for å greie det, så må vi strekke arbeidsdagane noko. Det blir difor arbeid frå klokka 07 til 19. Det er noko lenger arbeidsdagar enn det vi har sagt før, men det blir gjort for at vi skal bli fort ferdig og ikkje spreie boringa og støyen over mange dagar.

Til prøveboringa skal det brukast ein beltegåande borerigg som er cirka 4,5 x 2,2 meter (bildet under). 

Før boringa blir det lagt ut oljelenser i vatnet som eit føre-var-tiltak.

Onsdag 13. mars starta arbeidet med å fjerne skog på tomta for den nye råvasspumpestasjonen. 

Arbeidet startar lengst nord på tomta.

I samband med arbeidet vil det blir noko støy frå motorsag og traktor.  Arbeidet blir gjort innanfor avtalte tider for støyande arbeid. 

Reinseanlegget som blei etablert på tomta i starten av februar har fungert bra. Avløpsvatnet blir reinsa slik at ein er innanfor grenseverdiar som miljørådgivarane har sett, før det vert ført vekk frå tomta.

I februar har det for det meste vore sprengingsarbeid og massehandtering på tomta. I månadsskiftet februar/mars nærmar ein seg slutten for sprengingsarbeidet for sjølve byggegropene til dei to bygga som kjem på tomta. Ein må likevel rekne med noko sprenging framover, men truleg i mindre grad enn før. 

Fredag 1. mars nådde nådde vi ein viktig milepæl i prosjektet med første betongstøyp for reintvassanlegget. 

Dessutan er brakkeriggen montert og det gjenstår berre noko mindre innreiingsarbeid før den blir tatt i bruk. Frå midten av mars vil du finne store delar av prosjektleiinga i brakkeriggen.  

Det er gitt rammeløyve for arbeid ved råvassspumpestasjonen ved Brusdalsvatnet og søknaden om igangsettingsløyve er sendt inn. Vi håper at det nærmar seg oppstart på denne tomta også.

Elles gler alle i prosjektet seg over at det går mot vår og lysare og lettare dager

Tidleg februar:

Reinseanlegget for overflatevatnet på tomta til det nye vassbehandlingsanlegget i Fremmerholen kom på plass mandag 5. februar. Drift og dermed reinsa overflatevatn var på plass same veka. Det var bra - også for nabolaget som slapp trafikken av pumpebilar. Vi beklager ulempa og takkar naboane for tålmodet i fasen med problem med overflatevatn. 

Det er no sett ut automatiske vassloggarar fleire stader i området rundt der det nye vassbehandlingsanlegget i Fremmerholen skal kome.

Det er er loggar ved utløpet av Brusdalsvatnet/innløpet til Spjelkavikaelva, i sjølve Spjelkavikaelva og ved utløpet av Lillevannet.

Vassloggarane skal drive kontinuerleg overvaking av vasskvaliteten.

Det er viktig å få informasjon om vasskvaliteten, og vi ber publikum gi beskjed dersom de ser skade på vassloggarane.

Dersom de ser at vassloggarane er øydelagt eller har forsvunne, så gi byggeleiar Terje Melseth på e-post til teme@novaform.no eller telefon 957 37 846.

Arbeidet er godt i gang etter nyttår, og sjølv med til dels mykje snø har arbeidet i hovudsak gått som planlagt.

Det har vore sprengingsarbeid for tomta på reintvassbygget i januar og det vil halde fram nokre veker til. Når tomta for reintvassbygget er ferdig utsprengt, vil entreprenøren halde fram med sprengingsarbeid på tomta for vassbehandlingsbygget. Det vert altså sprengingsarbeid i Brusdalsvegen 208 i forholdsvis lang tid framover. 

Entreprenøren forventar å starte opp med betongarbeidet på reintvassbygget i mars.

Brakkeriggen i Brusdalsvegen 208 skal etter planen etablerast i det nord-vestre hjørnet av tomta i månadsskiftet februar/mars.

Det er ikkje planlagt noko arbeid ved råvasspumpestasjonen ved Brusdalsvatnet før vinteren slepp taket. 

Brusdalsvegen 208 22. januar Foto: Skjermdump frå byggekamera.

Informasjon desember 2023

Så langt har det vore arbeid kun på tomta i Brusdalsvegen 208. Entreprenør har fjerna skog og begynt å køyre vekk forureina jordmassar til godkjent deponi. Tomta var godt kartlagt på førehand, så det har ikkje kome noko overraskingar i samband med dette arbeidet. 

Over nyttår vil entreprenør fortsette gravearbeidet, og dei vil klargjere for byggegropene der bygga skal stå. I byggegropene vil vi treffe på fjell, og det vil bli behov for sprengingsarbeid. Slik det ser ut vil sprengingsarbeidet starte i januar. Nærare informasjon om sprengingsarbeid vil komme før dette arbeidet starter opp.

I januar vil entreprenør sette opp brakkeriggen på tomta i Brusdalsvegen 208.

Betongarbeidet i Brusdalsvegen 208 vil starte opp i februar.

Arbeid på råvasspumpestasjonen ved Brusdalsvatnet vil truleg ikkje starte opp for fullt før i mars/april 2024. Det første entreprenøren må gjere er å etablere ei siltgardin i vatnet som skal hindre at uønska partiklar/silt spreier seg i vatnet. Vatnet må difor vere isfritt før ein kan starte arbeidet. 

Det kan vere at entreprenør ønsker å starte med noko fjerning av skog på tomta i januar.

Under ser du bilde frå Brusdalsvegen 208 20. desember 2023.

Brusdalsvegen 208:
Støyande arbeid kan skje kvardagar mellom klokka 7 og 21.
For å ikkje forstyrre morgonrush og ettermiddagstrafikken, skal støypearbeid ikkje skje tidlegare enn 8.30 og seinare enn 15.30. På ettermiddag kan det skje at ein må gå litt ut over denne tida dersom noko uforutsett dukka opp og ein ikkje rakk å bli ferdig med betongarbeid innan fristen, men ein set sjølvsagt ikkje i gang nye støypearbeid etter denne tida. 
 

Pumpestasjonen:
Støyande arbeid kan skje kvardagar mellom klokka 7 og 17.
For å ikkje forstyrre morgonrush og ettermiddagstrafikken, skal støypearbeid ikkje skje tidlegare enn 8.30 og seinare enn 15.30. På ettermiddag kan det skje at ein må gå litt ut over denne tida dersom noko uforutsett dukka opp og ein ikkje rakk å bli ferdig med betongarbeid innan fristen, men ein set sjølvsagt ikkje i gang nye støypearbeid etter denne tida. 
 

Alt arbeid skal vere innanfor lovkrav til støy og vere trygt for naboar. 
 

Vi startar i november på tomta til vassbehandlingsanlegget i Brusdalsvegen 208. Hovudtilkomst til tomta vert frå Brusdalsvegen. 

For pumpestasjonen er det planlagt å begynne i februar 2024. Før ein kan begynne å grave ut tomta må det leggast ut skiltskjørt i vatnet, ein duk som fangar partiklar, men let vatnet passere. For å få gjort dette, må det vere isfritt. Difor kan ein ikkje gi nøyaktig dato for oppstart.

Arbeid med leidningsnettet og fortau i Rødsetvegen startar hausten 2024. Arbeid med leidningsnettet i Brusdalsvegen blir seinare. Arbeidet med leidningsnettet i desse vegane skal ikkje skje samtidig. 
 

Det vil bli auka trafikk i området i samband med bygginga. Vi vil legge til rette som best vi kan for at anna trafikk skal kome fram på best mogleg måte.

Det vil vere minst eit køyrefelt som er ope heile tida. Akkurat forbi anleggsområdet kan det blir lysregulering. 

For å ikkje forstyrre morgonrush og ettermiddagstrafikken, skal støypearbeid ikkje skje tidlegare enn 8.30 og seinare enn 15.30. På ettermiddag kan det skje at ein må gå litt ut over denne tida dersom noko uforutsett dukka opp og ein ikkje rakk å bli ferdig med betongarbeid innan fristen, men ein set sjølvsagt ikkje i gang nye støypearbeid etter denne tida.
 

Innanfor rundt 50 meter frå der det skal sprengast, vil naboar få tilbod om synfaring og kartlegging av tilstand på hus, støttemurar og liknande. Synfaringa vil skje av tredjepart som ikkje har noko med prosjektet å gjere. Synfaringa kan skje tidlegast seks månader før oppstart av aktivitet. Dokumentasjon er med video som blir lagra i tråd med personvernreglar.

Nokre hus får også vibrasjonsmålar, ein "liten koffert" og med eit innbora målepunkt i husmur slik at vi får kartlagt og har kontroll med vibrasjonane i området. 

Vibrasjonar frå sprenging kan virke som om dei er kraftige både for folk og dyr, sjølv om dei er langt under skadegrense for konstruksjonar.

Det kan vere lurt å tenke på:
•    Ikkje la dyr vere heime åleine før du ser om det går greitt
•    Sprengingsvibrasjonar kan føre til at lause gjenstandar veltar
•    Sikre verdifulle ting frå skap og hyller, eller sett dei på golvet. 
 

Det er viktig for oss å halde nabolaget orientert om det som skjer i byggefasen, og vi vil informere på fleire måtar.

Dei største tinga blir varsla med sms til innbyggarane gjennom Ålesund kommune sitt varslingssystem.

Ver obs på om du har takka nei til å motta sms-ar og dersom nokon ikkje kan opne sms, så sørg for at meldingar blir sendt til nokon som kan opne den. Det kan også skje at du har ein jobbtelefon som er registrert utanfor området. Då får du ikkje sms utan at du gir beskjed om at du vil ha. 

Du finn ut meir om dette og kan sjekke om du er registrert på www.varslemeg.no, eventuelt ta kontakt med servicekontoret i Ålesund kommune.

Du finn også informasjon om prosjektet her på sida til Fremmerholen vassbehandlingsanlegg.
 

Du kan ta kontakt med byggeleiar Terje Melseth på e-post teme@novaform.no eller telefon 957 37 846