Julefri og ferieavvikling i Fremmerholen
Entreprenøren som har jobba med å legge ut vassleidning skal ha julefri, og det blir ikkje arbeid i området før 6. januar.
I jula er difor området igjen opna for ferdsel slik at folk kan gå tur slik dei er vande med.
Det er også julefri for entreprenøren som arbeider i Brusdalsvegen 208 og på råvasspumpestasjonen.
Det kan bli litt aktivitet dei første dagane i januar, men full aktivitet på arbeidsplassen er først 6. januar.
Desember - seinking av vassleidninga over nyttår
Planen var at vassleidninga til det nye vassbehandlingsanlegget skulle seinkast til botns siste veka før jul. På grunn av risikoen med ustabilt vêr er dette utsett til over nyttår. I veka før jul skjer det i staden klargjering til seinking og sikring før juleferien.
Planen no er å seinke vassleidninga når det blir meir stabilt vêr over nytt. Når det skjer, blir det mykje aktivitet på og ved Brusdalsvatnet.
Den største leidninga er nesten 4000 meter lang og har ein diameter på ein meter. Denne «sjøormen» har flyte på vatnet den siste tida, men skal no ned på botnen. Det betyr mykje aktivitet på og ved Brusdalsvatnet.
Det blir fleire båtar på vatnet som skal arbeide med leidninga. I tillegg er der ein lekter med heisekran. Alt arbeid er nøye planlagt for å ta best muleg vare på drikkevatnet.
Mellom anna må båtane desinfiserast før dei får sleppe ut på vatnet. Dei har også med sikringsutstyr som absorpsjonsmatter som kan suge opp lekkasjar og forhindre at det spreier seg i vatnet.
I vassenden blir det gravemaskin som skal arbeide innanfor siltgardinen som er montert opp der.
Medan arbeidet pågår er det mykje aktivitet og også tau og forankringar inn til land. Vi oppmodar difor om at folk for deira eiga sikkerheits skuld, held avstand til arbeidet.
Etter nyttår startar arbeidet med å sveise saman og legge ut leidninga for reserveinntaket.
November - råvasspumpestasjonen, betongarbeid og kva som skjer i vinter
Over i betong-fase for pumpestasjonen
I andre halvdel av november går arbeidet ved pumpestasjonen over til å handle om betongarbeid.
Det betyr at det skal byggast forskaling, armerast og gjerast klart til støyping innimellom dagar med støyping. Det skal støypast fundament, botnplate, veggar og etasjeskilje.
Dei dagane det skal støypast, blir det køyrt med betongbilar og pumpebilar til bygget. Vegen til pumpestasjonen kjem ikkje til å bli stengt på grunn av arbeidet som skal gjerast framover, men dei ulike anleggsbilane er store og møter du på ein av desse, så må ein eller begge bilane køyre godt ut til sida og kanskje må den eine stoppe for at den andre skal kunne passere
Varsling ved arbeid etter klokka 17
Når vi støyper, må arbeidet som er påbegynt støypast ferdig. Ein kan ikkje stoppe støypinga for eksempel midt i ein vegg. Det betyr igjen at ein i nokre tilfelle må gå utover avtalt arbeidstid og halde på lenger enn til klokka 17. Dette gjeld også for arbeid med å pusse betongen. Til det bruker ein motorisert pussemaskin som støyar om lag som ein plenklippar.
Vi har ei liste over naboar som har ønskt sms ved sprenging. Vi kjem til å bruke denne lista til å varsle dei gongane vi må arbeide utover klokka 17. Dersom du ønskjer å stå på lista, så ta kontakt med
Det same gjer du dersom du ikkje lenger vil stå på varslingslista.
Fasen med betongarbeid er planlagt å vare fram til våren.
Juleferie
Det er planlagt lang juleferie for arbeidsfolket med ferie frå ettermiddagen fredag 20. desember og ikkje full drift igjen før mandag 6. januar.
Nabolagsmøte
Nabolaget har vorte invitert til nabolagsmøte med informasjon og prat med prosjektleiar og byggeleiar. Møtedag: Torsdag 7. november klokka 17 på tomta for råvasspumpestasjonen.
Siltgardiner, is på vatnet og snø på bakken
Den innerste siltgardinen som ligg lengst vest og vekk frå anlegget skal takast opp før vinteren kjem. Den ytste siltgardinen skal seinkast under vassoverflata. Vi følger med på vermeldingane framover, for det må gjerast før isen legg seg på vatnet. Dersom det ikkje legg seg is før jul, kjem vi likevel til å senke siltgardinen før juleferien, for å vere på den sikre sida.
Dersom det kjem så store mengder snø at snøen må måkast vekk og fjernast, skal snøen lagrast minst 15 meter frå Brusdalsvatnet. Det blir på marka vest for brakkeriggen.
Sjøleidning og aktivitet på vatnet
«Sjøormen», sjøleidninga, veks fram og har snart vorte så lang som den skal vere. Planen er å seinke denne ned i løpet av desember. Då vert det stor aktivitet med mange båtar på vatnet.
Rørtransport og rørlegging i og ved Brusdalsvatnet
I august startar arbeidet med rørtransport og rørlegging i Brusdalsvatnet. Det betyr auka trafikk i Fremmerholen og auka aktivitet i og ved Brusdalsvatnet.
Her vil kome meir informasjon om korleis dette skal skje og kva vi gjer for at det skal ha minst mogleg ulempe for naboar og natur.
Informasjon vert også gitt på nabolagsmøte i lokala til Ålesund Jeger- og Sportfiskerforening, Holsmyrvegen 60 torsdag 8. august kl 18-19.
To nabomøte i august
Råvasspumpestasjonen
Har du spørsmål om det som skjer og skal skje ved råvasspumpestasjonen framover?
Vi inviterer til treff på råvasspumpestasjonen onsdag 7. august kl 17 - 19 der du får prate med prosjektleiar Marthe Strømme og byggeleiar Terje Melseth.
Sidan dette er rett etter jobb, serverer vi også pølser med brød saman med praten.
Rørtransport og rørlegging i Brusdalsvatnet
I august startar arbeidet med rørtransport og rørlegging i Brusdalsvatnet. Det betyr auka trafikk i Fremmerholen og auka aktivitet i og ved Brusdalsvatnet.
Vi inviterer difor til nabolagsmøte onsdag 14. august kl. 18-19 i Jeger og fiskeforeninga sine lokale i Holsmyrvegen 60. Dei næraste naboane får direkte invitasjon. På møtet du informasjon om trafikkavvikling, arbeidet som skal gjerast og kva vi gjer for at dette skal ha minst mogleg ulempe for naboar og natur.
August - råvasspumpestasjonen
Vi arbeider med boring og klargjering for sprenging på råvasspumpestasjonen. Det er ikkje forventa sprenging før tidlegast fredag 23. august.
Naboane vert halde orientert med sms frå byggeleiar.
Sommarferie og arbeid etter ferien
Det blir ferieavvikling både for arbeidet i Brusdalsvegen 208 og på råvasspumpestasjonen i tre veker. Det skjer i veke 28, 29 og 30, frå mandag 8. juli og fram til mandag 29. juli.
Her er bilde frå byggekamera som viser kor langt dei har kome fram til torsdag 4. juli
Etter ferien, frå veke 31, vil truleg truleg grunnentreprenøren starte med boring for sprengningsarbeid i samband med med grøfta frå pumpestasjonen og til Rødsetvegen. Sjølve sprengningsarbeidet for grøfta vil starte opp i veke 32. Det er tre hus som skal få påmontert vibrasjonsmålarar. Dei som bur der blir kontakta før sprengingsarbeidet.
Boring og sprenging for sjølve pumpestasjonen er fortsatt planlagt frå medio september.
Mai/juni - råvasspumpestasjonen
I månadsskiftet mai/juni vert det auka aktivitet ved byggeplassen for den nye råvasspumpestasjonen.
Planen er at vi startar med å montere reinseanlegg for anleggsvatn mandag 27. mai. Anlegget er fire, fem containarar som skal plasserast på tomta.
Ut i veka vert det også etablert ein mindre brakkerigg.
Og med auka aktivitet på tomta, vert det også auka trafikk i Bregnevegen.
Mai - ny plassering av brakkerigg
For å ta vare på meir av den naturlege vegetasjonen på tomta til Råvasspumpestasjonen, så har vi har vi endra plassering av arbeidsbrakkene.
Ny plassering gjer det også enklare å kome seg fram til brakkene og det forenklar arbeidet med å legge rørleidning og elektrisitetskablar.
Brakkeriggen er tre brakker som er ein etasje høge.
Ny riggplan ser du her. (PDF, 860 kB)
Mai 2024
I mai skal dette skje:
Brusdalsvegen 208:
Både bygget for reintvatn og for vassbehandlinga har kome godt i gang. I reintvassbygget støyper vi no veggar. I løpet av mai vil vi også begynne på veggane for sjølve reintvassbassenget. For vassbehandlingsbygget vil det i mai i hovudsak vere arbeid med botnplatene.
Det vert også noko grunnarbeid på tomta med legging av VA-leidninga og generelt grunnarbeid i samanheng med betongarbeidet. Ein må rekne med generell støy frå maskinar og utstyr.
Sprengingsarbeidet i Brusdalsvegen 208 er i all hovudsak ferdig. Vi kan likevel måtte sprenge noko i samband med grøfter for VA-leidningar, men dette vert i tilfelle forholdsvis små salvar.
Råvasspumpestasjonen
Her har vi etablert siltgardin og oljelenser og grunnarbeidet er så vidt i gang. På denne tomta vil det no i mai for det meste pågå grunnarbeid, og i starten av månaden vert det etablert veg inn til byggetomta. Etter kvart vert det midlertidig omlegging av spillvatn- og overvassleidningar sidan dei ligg gjennom tomta til det framtidige bygget.
I mai må ein rekne med generell støy fra maskinar og utstyr. Det vert også anleggstrafikk i Bregnevegen.
I juni begynner vi med spuntarbeid. Dette er støyande arbeid, men vi vil halde oss til tidene som er sett for slikt arbeid.
Mars 2024 - skoging
Onsdag 13. mars starta arbeidet med å fjerne skog på tomta for den nye råvasspumpestasjonen.
Arbeidet startar lengst nord på tomta.
I samband med arbeidet vil det blir noko støy frå motorsag og traktor. Arbeidet blir gjort innanfor avtalte tider for støyande arbeid.
Februar 2024
Reinseanlegget som blei etablert på tomta i starten av februar har fungert bra. Avløpsvatnet blir reinsa slik at ein er innanfor grenseverdiar som miljørådgivarane har sett, før det vert ført vekk frå tomta.
I februar har det for det meste vore sprengingsarbeid og massehandtering på tomta. I månadsskiftet februar/mars nærmar ein seg slutten for sprengingsarbeidet for sjølve byggegropene til dei to bygga som kjem på tomta. Ein må likevel rekne med noko sprenging framover, men truleg i mindre grad enn før.
Fredag 1. mars nådde nådde vi ein viktig milepæl i prosjektet med første betongstøyp for reintvassanlegget.
Dessutan er brakkeriggen montert og det gjenstår berre noko mindre innreiingsarbeid før den blir tatt i bruk. Frå midten av mars vil du finne store delar av prosjektleiinga i brakkeriggen.
Det er gitt rammeløyve for arbeid ved råvassspumpestasjonen ved Brusdalsvatnet og søknaden om igangsettingsløyve er sendt inn. Vi håper at det nærmar seg oppstart på denne tomta også.
Elles gler alle i prosjektet seg over at det går mot vår og lysare og lettare dager
Tidleg februar:
Reinseanlegget for overflatevatnet på tomta til det nye vassbehandlingsanlegget i Fremmerholen kom på plass mandag 5. februar. Drift og dermed reinsa overflatevatn var på plass same veka. Det var bra - også for nabolaget som slapp trafikken av pumpebilar. Vi beklager ulempa og takkar naboane for tålmodet i fasen med problem med overflatevatn. Utsetting av vassloggar
Det er no sett ut automatiske vassloggarar fleire stader i området rundt der det nye vassbehandlingsanlegget i Fremmerholen skal kome.
Det er er loggar ved utløpet av Brusdalsvatnet/innløpet til Spjelkavikaelva, i sjølve Spjelkavikaelva og ved utløpet av Lillevannet.
Vassloggarane skal drive kontinuerleg overvaking av vasskvaliteten.
Det er viktig å få informasjon om vasskvaliteten, og vi ber publikum gi beskjed dersom de ser skade på vassloggarane.
Dersom de ser at vassloggarane er øydelagt eller har forsvunne, så gi byggeleiar Terje Melseth på e-post til teme@novaform.no eller telefon 957 37 846.
Januar 2024
Arbeidet er godt i gang etter nyttår, og sjølv med til dels mykje snø har arbeidet i hovudsak gått som planlagt.
Det har vore sprengingsarbeid for tomta på reintvassbygget i januar og det vil halde fram nokre veker til. Når tomta for reintvassbygget er ferdig utsprengt, vil entreprenøren halde fram med sprengingsarbeid på tomta for vassbehandlingsbygget. Det vert altså sprengingsarbeid i Brusdalsvegen 208 i forholdsvis lang tid framover.
Entreprenøren forventar å starte opp med betongarbeidet på reintvassbygget i mars.
Brakkeriggen i Brusdalsvegen 208 skal etter planen etablerast i det nord-vestre hjørnet av tomta i månadsskiftet februar/mars.
Det er ikkje planlagt noko arbeid ved råvasspumpestasjonen ved Brusdalsvatnet før vinteren slepp taket.
Informasjon desember 2023
Så langt har det vore arbeid kun på tomta i Brusdalsvegen 208. Entreprenør har fjerna skog og begynt å køyre vekk forureina jordmassar til godkjent deponi. Tomta var godt kartlagt på førehand, så det har ikkje kome noko overraskingar i samband med dette arbeidet.
Over nyttår vil entreprenør fortsette gravearbeidet, og dei vil klargjere for byggegropene der bygga skal stå. I byggegropene vil vi treffe på fjell, og det vil bli behov for sprengingsarbeid. Slik det ser ut vil sprengingsarbeidet starte i januar. Nærare informasjon om sprengingsarbeid vil komme før dette arbeidet starter opp.
I januar vil entreprenør sette opp brakkeriggen på tomta i Brusdalsvegen 208.
Betongarbeidet i Brusdalsvegen 208 vil starte opp i februar.
Arbeid på råvasspumpestasjonen ved Brusdalsvatnet vil truleg ikkje starte opp for fullt før i mars/april 2024. Det første entreprenøren må gjere er å etablere ei siltgardin i vatnet som skal hindre at uønska partiklar/silt spreier seg i vatnet. Vatnet må difor vere isfritt før ein kan starte arbeidet.
Det kan vere at entreprenør ønsker å starte med noko fjerning av skog på tomta i januar.
Under ser du bilde frå Brusdalsvegen 208 20. desember 2023.