Målgruppe
Tenesta er for heimebuande eldre eller personar med funksjonsnedsetting som på grunn av sjukdom eller andre årsaker ikkje er i stand til å dekke sitt eige ernæringsbehov, og som ikkje har høve til å lage, hente eller kjøpe middag sjølve.
Ikkje i målgruppa for kommunal teneste?
Dersom du ikkje er i målgruppa for tenesta, eller har fått avslag på søknad, kan du likevel nytte fleire kommunale og private mat- og middagstilbod. På kommunen si nettside Senior i Ålesund finn du tips og råd for å leve eit godt liv som senior i kommunen vår.
Slik søkjer du tenesta
Slik søkjer du om helse- og omsorgstenester
Har du spørsmål eller treng hjelp til å søkje, kan du kontakte Koordinering og tildeling direkte.
Telefon: 70 16 22 00
Telefontid: Kvardagar kl. 09.00–11.30
E-post: tildeling@alesund.kommune.no
Post til kommunen
Besøk: Innbyggartorget, Ålesund rådhus
Innhald i tenesta
Kommunedel Gamle Ålesund og Skodje:
- Når du har fått vedtak om tenesta, vil kontaktperson for måltidslevering i din kommunedel ta kontakt for å gi meir informasjon om tenesta, meny, bestilling, levering m.m.
- Minimum tre middagar per veke
- Løpande teneste
- Middag vert levert som kjølevare i porsjonspakning og varmast i mikrobølgeomn
- Utkøyring ein dag i veka innan eit fast tidsrom (sjå info for din kommunedel)
- Endring, pause eller avslutting av tenesta må meldast til kontaktpersonen
- Frist for å melde endring: seinast kl. 08.45 på leveringsdagen
- Dersom middag ikkje vert levert som avtalt, kontakt din kommunedel
Kommunedel Sandøy og Ørskog:
- Når du har fått vedtak om tenesta, vil kontaktperson for måltidslevering i din kommunedel ta kontakt for å gi meir informasjon om tenesta, meny, bestilling, levering m.m.
- Middag vert levert som serveringsklar varmrett
- Løpande teneste
- Dagleg utkøyring innan eit fast tidsrom (sjå info for din kommunedel)
- Endring, pause eller avslutting av tenesta må meldast til kontaktpersonen
- Frist for å melde endring: seinast kl. 08.45 på leveringsdagen
- Dersom middag ikkje vert levert som avtalt, kontakt din kommunedel
Vi tilbyr
- Smakfull, næringsrik og variert mat
- Mat etter sesong
- Middag med siderett dessert eller suppe
- Middagane følgjer Helsedirektoratet sine tilrådingar og prinsippa for energi- og næringstett kost tilpassa personar med auka risiko for underernæring
- Tilbod om spesialtilpassa kost ved allergiar eller medisinske behov
- Du vert informert ved vesentlege endringar i meny eller leveringstid
- Tenesta vert ytt med respekt for deg og ditt heimemiljø
- Vi overheld teieplikta vår
- Vi tek imot og behandlar eventuelle klager
Våre forventningar
- Du søkjer tenesta via søknadsskjema eller Helsa Mi
- Du oppbevarer maten i tråd med rettleiing
- Du har mikrobølgjeomn dersom du får kald porsjonspakning
- Du er til stades ved levering
- Dersom du ikkje kan vere til stades, kan du setje ut kjølebag ved inngangsdøra
- Dersom du har utfordringar med å opne døra, må det vere etablert ei låseordning (nøkkelboks eller kodelås) slik at maten kan leverast inn
- Du gir beskjed ved pause eller avslutting av tenesta
- Ved feil i leveranse eller manglande levering, må du gi beskjed snarast råd (sjå kontaktinfo for din kommunedel)
- Har du husdyr, må du vere budd på at transportør ikkje ønskjer kontakt med desse
Utkøyring
- Gamle Ålesund og Skodje: Utkøyring ein dag i veka
- Sandøy: Dagleg utkøyring
- Ørskog: Dagleg utkøyring
Betaling
- Prisen på middag vert fastsett av kommunestyret i desember, og gjeld frå januar året etter
- Kommunen fakturerer i ettertid
- Du betaler berre for maten du får, men vil verte fakturert dersom du ikkje har avbestilt i samsvar med gjeldande retningslinjer
Sjå prisar for middag
Endra behov for tenester
Når du søkjer om tenesta, vurderer vi om du treng hjelp til sjølve måltidet, som til dømes oppvarming eller servering. Dersom du har endra hjelpebehov etter at du har fått tenesta, og ikkje har andre kommunale tenester heime, må du sende ny søknad på vanleg måte.
Klage på vedtak eller teneste
Slik klagar du på helse- og omsorgstenester
Kontakt
Spørsmål om meny, pause eller avbestilling rettast til måltidsleverandør i din kommunedel på kvardagar kl. 08.30–14.30: