Består av:
Oppgåvene i Team Helse er knytt til strategisk styring av tenesteområda med tanke på kvalitet, fagutvikling og økonomi, oppfølging og rådgjeving for verksemdene, samt utvikling og vedlikehald av kvalitetssystem og internkontroll.
Utviklingssenter for sjukeheimar og heimetenester i Møre og Romsdal (USHT) er organisert under Team Helse, og yter tenester til alle kommunar i fylket.
Oppgåver i kommunalområde helse
Ålesund kommune har eit omfattande tenestetilbod innafor kommunalområde helse.
Kommunalområdet har ansvar for sjukeheimar og omsorgssenter, bemanna omsorgsbustadar og bukollektiv for eldre, samt heimebaserte tenester. Vidare har kommunalområdet ansvar for butenester for personar med psykisk eller fysisk utviklingshemming, som har eit heildøgnstilbod i ulike bustadar og lokasjonar. I tillegg har kommunalområdet ansvar for avlastning og ulike dagtilbod til same gruppe.
Vidare har kommunalområdet ansvar for lavterskeltilbod, førebyggande og rehabiliterande tenester, mellom anna fysio- og ergoterapiteneste, velferdsteknologi, medisinsk teknologi og hjelpemidlar og ulike dag- og aktiviseringstilbod.
Kommunalområdet har også ansvar for legetenester og akutt helseberedskap, fastlegeordninga, rus- og psykiatriteneste og NAV. Måltidsproduksjon og drift av sentralkjøkken er også organisert under kommunalområde helse.
I tillegg har kommunalområdet ansvaret for oppfølging av parterskapsavtalen med NAV Ålesund, samt avtale med Blå Kors. Utviklingssenter for sjukeheim og heimetenester (USHT) er ei nasjonal satsing som er organisert frå Helsedirektoratet. Ålesund kommune er vertskommune for satsinga i Møre og Romsdal, og er ein organisatorisk del av kommunalområde helse.
Søk etter kontaktinformasjon