Heimesjukepleien skal yte nødvendig helsehjelp, og har som mål at pasienten skal vere mest mogleg sjølvhjelpt. Tilbodet omfattar difor informasjon, støtte og rettleiing. Heimesjukepleien si oppgåve er å legge til rette for eiga meistring, og å hjelpe til med det pasienten ikkje meistrar sjølv.

Kva tilbyr vi?

Heimesjukepleien gir hjelp og rettleiing til personar som bur heime og som er avhengig av hjelp innanfor følgjande område:

• nødvendig pleie og omsorg
• hjelp til medisinar/injeksjonar
• sårbehandling
• tilsyn og observasjonar
• opplæring og rettleiing
• omsorg ved livets slutt

Kven kan få heimesjukepleie?

Ved vurdering av søkjaren vektlegg vi:

• om søkjaren ut frå ei sjukepleiefagleg vurdering er heilt eller delvis avhengig av helsehjelp for å ivareta dei grunnleggjande behova sine.
• om søkjaren er avhengig av hjelp til handtering av legemiddel, ulike typar prøvetaking, stell av sår m.m.

Den endelege anbefalinga blir sett i samanheng med anna hjelp søkjaren kan få frå kommuna. Det blir fatta enkeltvedtak ved tildeling av tenesta.

Kva kostar det?

Tenestetilbodet er gratis.

Slik søker du

Søk om helse- og omsorgstenester

Søknaden blir behandla og vedtatt i avdeling for Koordinering og tildeling.

Klage på vedtak

Klage kan rettast til avdeling for Koordinering og tildeling, med heimel i kommunehelsetenestelova. Klagefristen er 3 veker etter mottatt vedtak. Dersom klagar ikkje får medhald, går klagen til kommuna si klagenemnd. Dersom klagar framleis ikkje får medhald i klagen, kan ein klage til Statsforvaltaren.