Ergoterapeutar bidrar til å finne løysingar når det oppstår eit gap mellom helsa di og kravet til kvardagen. Ein ergoterapeut gir deg moglegheit til å leve eit så aktivt liv som mogleg.
Ergoterapi for vaksne og eldre
Ergoterapeuten hjelpar deg med tilpassing av heimen din, hjelpemiddel og opplæring. Målet med ergoterapi er at du skal bli mest mogleg sjølvstendig i kvardagen, anten den nedsette funksjonsevna di er mellombels eller varig.
Dette kan ein ergoterapeut gjere:
- Tek utgangspunkt i kva som er viktig for deg i kvardagen og korleis du ønskjer å delta i samfunnet.
- Kartlegg dine ressursar og utfordringar i aktivitetar, gjennom bruk av samtale, observasjon og funksjonsvurdering, gjerne i samarbeid med fysioterapeut.
- Støttar opp under målretta trening i aktivitetar som du ønskjer å meistre. Foreslår forenkling og tilpassing av aktivitetar.
- Kartlegg og vurderar behov for tekniske hjelpemiddel, slik at du skal kunne meistre dine daglege aktivitetar. Gir opplæring i bruken av desse.
- Gir råd og rettleiing til brukarar, pårørande og andre samarbeidspartnarar. Dette kan omhandle fallførebygging, energiøkonomisering, tilrettelegging av aktivitet, tekniske hjelpemidlar og omgjevnadar, trykkavlasting og sittestilling.
- Gir råd og rettleiing om korleis bustad og andre arena kan bli tilpassa og gjort funksjonell for deg.
- Samarbeider med andre instansar og samordnar tenestetilbodet ut frå ditt behov.
- Vurdering av velferdsteknologiske løysningar.
- Møter deg i heimen din og andre stadar du oppheld deg.
Tips til deg med nedsatt funksjonsevne:
Kven kan få tilbodet?
Tenesta er aktuell for personar over 18 år som på grunn av skade, sjukdom eller andre grunnar har vanskar med å utføre daglege aktivitetar. Utfordringar med å meistre kvardagen kan skuldast fysiske, psykiske og kognitive vanskar.
Merk at det kan vere ventetid for ergoterapitenester.
Korleis få tenesta?
Søk via HelsaMi
eller
Søk om tilvisning til fysio- og ergoterapi
- Skjemaet skal fyllast ut av deg sjølv, pårørande eller helsepersonell. Ergoterapeutane er organisert i verksemda førebygging og meistring.
- Tilvisingar som kjem inn til tenesta blir vurdert og prioritert ut frå alvorsgrad og hastegrad etter den same prioriteringsnøkkelen i heile kommuna.
Prioriteringsnøkkel for ergo – og fysioterapitenesta i Ålesund kommune:
Tidlig innblanding vert vurdert å ha stor påverknad for brukarens funksjonsnivå, lindring og livskvalitet.
Problemstillingar:
- Personar med kort venta levetid/i terminal fasen.
- Personar med brått funksjonstap og/eller akutte behov.
- Akutte overgangsfasar.
Max ventetid: 7 dagar
Tidlig innblanding vert vurdert å ha stor påverknad for å setja brukaren i stand til å få tilbake, utvikle eller oppretthalde funksjonsnivå, og hindre ytterlegare funksjonstap.
Problemstillingar:
- Personar med akutt sjukdom/ skade/ liding, der funksjon eller smertetilstanden vil bli vesentleg dårlegare dersom ein ikkje set i gang tiltak.
- Ved alvorleg sjukdom når tiltak i stor grad er retta mot lindring, eigenaktivitet eller sosial deltaking.
- Personar med brått funksjonstap.
- Personar som er i overføringsfasar mellom spesialisthelsetenesta og kommune- helsetenesta, der tiltak må starte med ein gong.
Max ventetid: 14 dagar
Tidlig innblanding vert vurdert å ha stor påverknad for å forbetre og/eller oppretthalde funksjonsnivå og livskvalitet.
Problemstillingar:
- Personar med nyleg funksjonstap.
- Personar med kronisk sjukdom/ funksjonsvanskar i fasar med forverring.
- Personar i overføringsfasar der tiltak kan vente.
Max ventetid: 30 dagar
Tidlig innblanding vert vurdert å vere viktig for brukaren, men kan vente.
Problemstillingar:
- Personar med funksjonsproblem/ kronisk sjukdom i stabil fase.
- Personar i planlagde overføringsfasar. Oppfølging er nødvendig, men kan planleggast i god tid.
Max ventetid: 90 dagar
Pris
Tilbodet er gratis. Det kan vere eigenandel på enkelte tilretteleggingar, som trappeheis og døråpnar.
Kontakt
Vakttelefon for fysio- og ergoterapi: 90 97 25 46. Måndag – fredag kl 10.00 – 13.00