Ditt Prosjekt er eit tilbod for ungdom og unge vaksne som har lyst til å driva med dans, teater, musikk, kunst, eller andre kreative uttrykksformer. Har du lyst til å lage ein musikkfestival, treng ein plass å øve til danseaudition, eller har lyst til å starte ei lita teatergruppe, eller kva som helst - står vi klare til å hjelpe deg! Vi legg til rette med lokale, utstyr, samarbeidspartnarar, eventuelt promotering eller det som må til for å få gjennomført Ditt Prosjekt!

Fargespill Ålesund er eit multietnisk kunstnarisk prosjekt for barn og unge, med song og dans fra heile verda.

Vi jobbar med musikk og dans med rot i kulturarv, ungdomskultur, tradisjonsmusikk og tradisjonsdans frå heile verda. I Fargespill har alle noko å bidra med, og deltakarane er i stor grad med på å bestemme kva dei musikalske framsyningane skal vere.

• Les om Fargespill på nettsida til Ålesund kulturskole
• Sjå Facebook-sida til Fargespill Ålesund

Er du mellom 16 og 26 år og er over gjennomsnittet interessert i visuell kunst? Då kan du bli med i Framtiderne!

• Framtider er eit samarbeidsprosjekt mellom Ung i Ålesund, Jugendstilsenteret og KUBE som vi vil gi deg ei unik moglegheit til å følgje utstillingane til museet gjennom eit heilt år.  
• Framtiderne har som mål å auke sin kreative og kunstnariske kompetanse, og vekke venner og andre med entusiasmen sin!
• Framtiderne deltar på spesialproduserte arrangement som omvisingar, kunstnariske workshops og prosjekt direkte linka til museumsverksemda.
• Framtiderne får VIP-kort til museet som gir gratis inngang til alle utstillingane til museet, faste og temporære, og dessutan gratis inngang til alle arrangementa til museet.

Målet er at Framtiderne skal vera med å diskutera tematikken i dei aktuelle utstillingane på museet, skapa innhald på sosiale medium, og dessutan planlegge og delta på arrangement og workshops – rett og slett ha ein finger med i spelet.

MAKS Harøy har gratis utlån av havkajakk med sikkerheitsutstyr og friluftslivsutstyr. Nokre dagar har vi pop- up ope ved MAKS Harøy. Desse tidene vert annonsert som innlegg på facebook sida. Sjå etter flagget vårt ved vegen.

• Utlån av fritidsutstyr
• MAKS på Facebook

Musikkfabrikken er eit prosjekt for å stimulere bandkulturen i byen. Musikkfabrikken er eit tilbod til unge musikantar i alderen 13-20 år. Gjerne band.

Treng bandet ditt ein stad å øve? Ålesund kommune kan tilby fleire øvingslokale til unge musikarar. Desse er fullt utstyr til band, musikkopplæring- og øving. Lokala kan nyttast til mellom anna workshops, kurs og undervisning i ulike sjangrar.

Musikkbinge Nørvasund: 
Like ved kulturskulen er det plassert ein musikkbinge - med ferdig utstyr for m.a. bandøvingar.
 
Musikkbingen blir nytta av kulturskulen på dagtid, og på ettermiddag/kveld kan unge musikarar booka øvingstid. Dette skjer i regi av kulturskulen.
 
Adresse: Borgundveien 351,6009 Ålesund
Telefon: 70 16 34 80

Det er viktig å lese reglement og branninstruks for alle musikkverkstad og musikkbingane før de tar i bruk lokalet.

Kvar sommar blir ungdom mellom 16-20 år invitert til å delta på NOVU – ei spennande ferieveke med mykje kreativitet, samhandling og nye venner. NOVU blir arrangert i sommarferien til skulane.

NOVU er ei nordisk vennskapsbyveke for ungdom med historie så langt tilbake som i 1947. Akureyri på Island, Västerås i Sverige, Randers i Danmark, Lahti i Finland og Ålesund har på omgang hatt ansvaret for eit arrangement der ungdom frå vennskapsbyane får innblikk i praktisk nordisk samarbeid basert på aktiv deltaking i kulturelle ungdomsaktivitetar.

Korte fakta

• Frå kvar vennskapsby deltar 10-20 ungdommar, 2-3 ungdomsleiarar, 1-3 politikarar/ administrative.
• NOVU blir arrangert i sommarferien til skulane.
• NOVU går over 5-6 døgn.
• Arrangørbyen betaler programfesta aktivitetar og opphald for ungdommane. Kvar enkelt deltakerby betaler alle reiseutgifter og alle andre opphaldsutgifter. (Med andre ord fri reise/opphald for ungdommane)

Det er skatepark på Moa, som kan nyttast av barn og unge i alle aldrar, når det måtte passe.  På godversdagar er det mange som trenar og viser kva dei kan der.

Emblem IL har skatepark, som vart bygd på dugnad og ved hjelp av trygd frå mellom anna kommunen.. Parken er open for alle skatere.  

Om du ønsker meir informasjon om skating i Ålesund kan du gå inn på sida Skatesund på Facebook.

UKM - (Ung kultur møtest) er ein festival der ungdom deltar med innslag innanfor alle tenkelege kulturuttrykk!

UKM er eit offentleg kulturtiltak for ungdom mellom 13 og 20 år (10 år ved lokalmønstring) som blir arrangert kvart år over heile landet. Først ut er lokalmønstringane der ein deltar saman med ungdom frå eigen kommune. Kvar kommune sender deretter kvalifiserte ungdommar vidare til ein fylkesmønstring som representantar for kommunen sin. Kvart fylke sender i neste omgang deltakarar vidare til den nasjonale UKM-festivalen der ein deltar saman med ungdom frå heile landet.

Sjå Facebooksida til UKM i Ålesund