Samfunnsmedisinsk team arbeider for god helse i befolkninga gjennom førebygging, beredskap, rådgiving og myndigheitsutøving. Teamet bidreg i kommunen sitt arbeid med planlegging, tenesteutvikling og samfunnstryggleik.
Teamet er organisert under kommunalområdet Helse og består av kommuneoverlegar og rådgivar for miljøretta helsevern. Dei samarbeider med verksemder og avdelingar i heile kommunen, særleg innan helse, samfunn og oppvekst.
Samfunnsmedisin er retta mot befolkninga som heilskap. Teamet arbeider derfor ikkje med pasientbehandling eller individuelle helseråd.
Kva arbeider vi med?
Samfunnsmedisinsk team har oppgåver innan:
Miljøretta helsevern skal bidra til at miljøfaktorar ikkje verkar negativt inn på helsa.
Døme på oppgåver:
- tilsyn og godkjenning av barnehagar, skular og andre verksemder
- drikkevatn og hygieniske forhold
- rådgiving og saksbehandling etter regelverket
Les meir om miljøretta helsevern
Kommunen har ansvar for å førebyggje og handtere smittsame sjukdommar i befolkninga.
Døme på oppgåver:
- smittevernberedskap og smitteverntiltak
- oppfølging av utbrot av smittsame sjukdommar
- oversikt over smittesituasjonen i befolkninga
- rådgiving til helsetenester, skular, barnehagar og innbyggjarar
- samarbeid med statsforvaltaren og helsemyndigheitene
- planlegging og gjennomføring av sesongvaksinering i samarbeid med andre helsetenester i kommunen
Les meir om smittevern
Folkehelsearbeidet skal styrkje helse og livskvalitet i befolkninga og redusere sosiale helseforskjellar.
Døme på oppgåver:
- oversikt over helsetilstand og påverknadsfaktorar
- medverknad i kommunal planlegging
- tverrsektorielt samarbeid på tvers av kommunalområde
- kunnskapsbasert rådgiving til politisk og administrativ leiing
- bidrag til helsefremjande og førebyggjande tiltak
Les meir om folkehelsearbeid
Teamet bidreg i kommunen sitt arbeid med beredskap og krisehandtering.
Døme på oppgåver:
- medisinskfagleg rådgiving i beredskap og kriser
- deltaking i kommunen sitt beredskapsplanverk
- helsefaglege vurderingar ved uønskte hendingar
- samarbeid med naudetatar og andre beredskapsaktørar
- deltaking i kommunen si kriseleiing
Les meir om beredskap
Kommuneoverlegane er kommunen sine øvste medisinskfaglege rådgivarar og arbeider på overordna nivå.
Døme på oppgåver:
- rådgiving til kommunedirektør, kommunalområde og politisk nivå
- fråsegner i plan- og byggjesaker
- samarbeid med fastlegar, spesialisthelsetenesta og andre aktørar
- forvaltning etter relevant helselovgiving
- bidrag til kvalitetsutvikling i kommunale helsetenester
Kontakt
For spørsmål om samfunnsmedisinske forhold kan du kontakte samfunnsmedisinsk team.
Smittevern og akutte førespurnader:
Sist endra 15.04.2026 10.21