Fysioterapeutar med avtale

Kommuna har inngått driftsavtalar med private fysioterapeutar, som går inn i kommuna sin fysioterapiteneste saman med dei fast tilsette.

  • Du tek direkte kontakt med dei fysikalske institutta for å avtale tid. Det er ikkje naudsynt med tilvisning frå fastlege.
  • Når du går til fysioterapeut med driftsavtale med kommuna, betaler du ein eigendel for behandlinga inntil du har nådd beløpsgrensa for frikort, eigendelstak 2.  Eigendelen følgjer fastsette takstar. Informasjon om eigendel og andre prisar skal opplysast om ved fysioterapiinstituttet.
    For barn under 16 år er behandling og transport til behandling gratis (heil stønad).
  • Nokre fysioterapeutar har berre delvis kommunal driftsavtale, og kan difor drive heilprivat verksemd i tillegg. Prisane for slike timar ligg normalt noe høgare enn eigendelane elles. Dette kan fysioterapeuten informere nærare om.  

Fysioterapeutar som har avtale med Ålesund kommune

Prioritering av pasientar

Privatpraktiserande fysioterapeutar med kommunal driftsavtale skal følgje ei prioriteringsliste, fastsett av kommuna. 

Prioriteringar skjer generelt i forhold til kunnskapsbasert praksis, det vil seie at avgjersler blir tatt basert på systematisk innhenta forskningsbasert kunnskap, erfaringsbasert kunnskap og pasienten sine ønskje og behov i den gitte situasjon.

Prioritering for Psykomotorisk fysioterapi

Psykomotorisk fysioterapi er ofte ein tidkrevjande prosess som kan gå over fleire år. Behandlinga tek utgangspunkt i at kroppen blir sett som ei funksjonell eining, og at ein difor behandlar heile kroppen. Sentralt i behandlinga er eit heilskapleg perspektiv som omfattar pasienten sin sosiale, psykiske og somatiske (muskulære) struktur og funksjon.

Målet er å endre uhensiktsmessig haldning og funksjon, samt å frigjere respirasjonen.

Ansvarleg for tenesta

Førebygging og meistring

Sist endra 05.06.2026 08.52