Tilrettelagt arbeid og aktivitet for menneske med nedsatt funksjonsevneOm du har behov for eit arbeids- og/eller aktivitetstilbod, er over 18 år og ikkje deltek i ordinært arbeid, kan dette vere eit aktuelt tilbod for deg. Kva tilbod har vi? Vi har ulike arbeidstilbod der vi blant anna utførar vare-/tenesteproduksjon for den lokale marknaden, som til dømes vedproduksjon, tekstil, saum, strikk, pakking og montering for bedrifter. Av ulike typar tilbod innan aktivisering kan vi nemne musikk, sansestimulering, spel, tur og andre aktivitetar.. Vi har også eigne butikkar med sal av eigen produksjon Tilbodet skal bidra til meistring og sosialt fellesskap. Kvar er tilboda? Ålesund Aktivitetstilbod i Hatlasvingen 46 Aktivitetstilbod i Borgundvegen 199 Butikk i Keiser Wilhelmsgate Arbeids- og aktivitetstilbod i Sorenskriver Bulls gate Nordre: Arbeids- og aktivitetstilbod og butikk på Prestemarka, Skodje Kven kan få denne tenesten? Du skal ha fullført vidaregåande opplæring, og ha fått ei arbeidsevnevurdering frå NAV. Du kan også få tilbod om arbeid eller aktivitet med utgangspunkt i eigen bustad. Det blir vurdert at det blir gitt eit tilbod nær der du bur. Kva koster det? Tilbodet er gratis. Transport Behovet for tilrettelagt transport til og frå dagplassen blir vurdert slik: Dersom du ikkje kan nytte ordinært kollektivtilbod, enten aleine eller i følge med personale, kan du få tilrettelagt transport. Dersom du kan nytte eigen bil, må du gjere det. Dette gjeld uavhengig av om ein eig bilen heilt eller delvis. Dei som har særskilde utfordringar blir prioritert. Tildeling av teneste vil formelt gjerast av Koordinering og tildeling, men i samråd med personale frå dagtilbod og evt bustad. Tilbod om transport vert organisert ved bruk av leverandør for transport, drosje eller bruk av minibuss i lag med andre deltakara til dagtilbod. Det vil være ein eigenandel tilsvarande månadskort for buss for dei som nyttar transporttenesta. Korleis få denne tenesten? Du søker om tilrettelagt arbeid eller aktivitet ved å fylle ut søknadsskjemaet for helse- og omsorgstenester. I same skjema kan du søke om tilrettelagt transport. Søk helse- og omsorgstenester Kan du ikkje søkje om helse- og omsorgstenester elektronisk? Papirsøknaden finn du her. Dersom du ikkje kan bruke digitalt skjema, og ønskjer tilsendt pdf fil, ta kontakt med Innbyggartorget på tlf. 70 16 20 00. Når du har fylt ut og signert papirskjemaet sender du det til Ålesund kommune, Tildelingskontoret, postboks 1521, 6025 Ålesund. Søknadsfrist: 1. mars. Tildelingskontoret vurderar i samråd med søkjer og/eller verje om arbeids- og aktivitetstilbodet skal vera eit heil- eller deltidstilbod. Andre tilbod Sjå 13 Pluss - etter skuletidtilbodet (tilsvarande SFO for barneskule) Varig tilrettelagt arbeid (NAV) Meir informasjon Sydvesten på Facebook Prestemarka dagtilbod NAV Heilt med Brisk Spesialistbedriften Vekst Ørskog Vekst Ålesund AS Ansvarleg for tenesta Arbeid og aktivitet Sist endra 11.01.2024 15.51