- Barn startar på skolen det året dei fyller 6 år.
- Alle barn som skal starte på skolen får brev frå nærskolen sin.
- Barnet/familien får brev frå- og er automatisk tildelt plass ved den skolen barnet høyrer til.
Innskriving av elevar til første klasse skjer i januar det året dei skal begynne på skolen. Dette skjer elektronisk på bakgrunn av folkeregistrert adresse.
Nye elevar får brev frå sin nærskole med informasjon om skolen, og om når barnet og foreldra skal komme til skolen for bli-kjent-dag. Om du på førehand ønskjer å vite kva for ein skole ditt barn skal skrivast inn ved, ta kontakt med rektor ved ein av skolene for å få vite hvilken skole som er dykkar nærskole.
I Ålesund kommune vurderer ein at det er beste for barna å få gå på den skolen som er nærast heimen.
Det skal særlege grunnar til for å innvilge ein elev skoleplass på ein skole i ein anna skolekrets enn der barnet bur.
I det gjeldande reglementet kan skolene vurdere tilfeller der;
Utgangspunktet for elevens rett til skolegang er nærskoleprinsippet, jf oppl. § 8-1 første avsnitt.
I Ålesund kommune vil det i nokre saker vere særlege tilfeller som likevel vil gi eleven ein rett til å gå på en skole utanfor eigen skolekrets. Dette kan være:
- eleven har behov som gjer at eleven bør få eit tilbod på ein skole med særleg spesialkompetanse. Til dømes kan dette vere ein skole med kompetanse innafor språkopplæring for elevar som er ny i Norge, kompetanse innan høyrsel eller kompetanse innan utviklingshemming/autisme.
- eleven har søsken ved ein skole (søsken bør få på same skole om føresette ønsker det, slik at ein kan unngå at ein familie må ha barn på ulike skoler)
- Eleven har ein føresett som bur i den skolekrinsen som eleven blir søkt inn i
- Elevar som har nedsett funksjonsevne har eit særlig vern med omsyn til bytte av skole, jf konvensjonen for personer med nedsett funksjonsevne, slik at ein må vurdere risiko særskilt i kvart tilfelle.
I kvar sak må ein kommunen ta omsyn til skolens ressurssituasjon, dvs skolens kapasitet. Dette omsynet kan gjerast gjeldande når skolens lokaler ikkje har plass til fleire elevar. Kommunen kan då plassere elevar med minst tilhøyrsle ut i frå andre omsyn, på en skole med kapasitet. Rettane etter oppl § 8-1 vil difor ikkje kunne framtvinge eit krav om utviding av skolens lokalar.
Det er anledning til å søke om skolegang ved annan skole enn nærskolen. Ta direkte kontakt med nærskolen, og rektor ved skolen vil gi informasjon om vidare saksgang.
Barn som fyller 5 år i perioden 1. januar til 31. mars kan søke om tidleg skolestart. Søknad skal sendast til skolen barnet høyrer til. Rektor sender deretter tilvising til PPT for ei vurdering.
Om du meiner at barnet ditt har behov for utsett skolestart, må du ta kontakt med skolen barnet skal begynne på, for å få tilvising til pedagogisk psykologisk teneste (PPT). PPT lagar deretter ei sakkyndig vurdering. Dersom det etter sakkyndig vurdering er tvil om barnet har komme langt nok i utviklinga til å starte på skolen, kan foreldra kreve at skolestart skal utsettast eitt år.
Basert på søknad frå føresette og sakkyndig vurdering, gjer rektor enkeltvedtak om utsett skolestart. I vedtaket vil søknaden innvilgast eller bli avslått. Om du ønsker å klage på vedtaket, sender du klage til skolen. Du kan også ta direkte kontakt med Pedagogisk-psykologisk teneste.
Kommunen gir forskrifter om kva målform som skal vere hovudmål ved dei enkelte skolane. Hovudmålet skal nyttast i skriftleg opplæring og i skriftleg arbeid. Føresette som ønsker eit anna opplæringsmål enn det som er vedtatt i skolekretsen, må melde frå om dette ved innskriving.
Når minst ti elevar på eit av årstrinna 1 - 7 i kommunen ønsker skriftleg opplæring på eit anna hovudmål enn det kommunen har vedtatt, har desse elevane rett til å tilhøyre ei eiga elevgruppe. Retten gjeld så lenge det er minst seks elevar igjen i denne gruppa. Når elevane er spreidde på fleire skolar i kommunen, vedtar foreldra, med vanleg fleirtal, kva for skole som skal gi tilbodet.