Pedagogisk- psykologisk teneste (PPT)

Pedagogisk psykologisk teneste (PPT) jobbar for å inkludere alle barn, ungdom og vaksne i utdanningsløpet.

Sist endra 29.05.2024 10.35

Kort fortalt

PPT skal hjelpe barnehagar og skular med kompetanse- og organisasjonsutvikling slik at dei legg til rette for barn, elevar, lærekandidatar, lærlingar, praksisbrevkandidatar og vaksne med særlege behov.
PPT undersøker om barn og unge kan ha behov for ekstra hjelp i barnehage og skule. Dersom du som forelder eller føresett er bekymra, kan du ta kontakt med skulen eller barnehagen.
PPT skal hjelpe barn, elevar, lærekandidatar, lærlingar, praksisbrevkandidatar og vaksne med særleg behov for tilrettelegging. Føremålet er at dei får eit inkluderande, likeverdig og tilpassa pedagogisk tilbod. PPT skal også hjelpe barnehagar og skular med å legge til rette for barn og elevar med særlege behov.

Kva gjer PPT?

undersøker om barn kan ha behov for ekstra hjelp, gjennom observasjon, kartlegging og testar.
gir råd og rettleiing til foreldre og føresette.
tilbyr kurs, nettverk og rettleiing til tilsette i barnehage, skole og andre samarbeidspartar.
hjelper vaksne som ønsker utgreiing.

Kven kan få hjelp?

PPT hjelper barn, unge og vaksne med rett til opplæring som ikkje har tilfredsstillande utbyte av det ordinære tilbodet. Dette kan t.d. gjelde:

Slik søker du om hjelp i barnehagen

Slik gjer du om du er bekymra for om barnet ditt har spesielle behov:

Ta kontakt med barnehagen.
Barnehagen gjer sine undersøkingar og prøver ut tiltak.
Barnehagen drøftar saka med PPT. Barnehage drøftar bekymringane med PPT etter gjeldande rutinar.
Barnehagen henviser til PPT.
Om barnet fortsatt har vanskar, kan barnehagen og føresette vise barnet til PPT. PPT undersøker kva behov barnet har, og gir rettleiing og råd om kva barnet treng. Dersom PPT konkluderer med at barnet har behov for spesialpedagogisk hjelp, utarbeider PPT ei sakkyndig vurdering.
Barnehagar finn oppdaterte skjema i samarbeidsgruppa på Teams. Føresette tek kontakt med barnehagen eller PPT for rettleiing.

Kommunen fattar vedtak
Konkluderer den sakkyndige vurderinga med at barnet har behov for spesialpedagogisk hjelp i barnehagen, skal kommunen fatte vedtak om dette.

Meir informasjon

Slik søker du om hjelp på skolen

Slik gjer du dersom du er uroleg for om barnet ditt ikkje har tilfredsstillande utbyte av den ordinære opplæringa:

Ta kontakt med skolen.
Skolen gjer sine undersøkingar og prøver ut tiltak.
Skolen drøftar saka med PPT. Skolen drøftar bekymringane med PPT etter gjeldande rutinar.
Melding til PPT.
Om eleven fortsatt har vanskar etter drøfting med og rettleiing frå PPT, kan skolen og foreldre melde behov for sakkunnig vurdering til pedagogisk-psykologis teneste (PPT). PPT undersøker kva behov eleven har og utarbeider sakkunnig vurdering.
Skolen finn oppdaterte skjema i samarbeidsgruppa på Teams. Føresette tek kontakt med skolen eller PPT ved behov for rettleiing.
Rektor fattar vedtak.
Dersom den sakkunnige vurderinga konkluderer med at eleven har behov for spesialundervisning, skal rektor fatte vedtak om at eleven skal ha slik undervisning.

Meir informasjon

Telefonnummer til Ålesund PPT: 70 16 25 00