Både søknad og all administrasjon av barnehageplassen skal skje i Foresattportalen (oppvekstportalen).

Søk om plass, bytt plass eller svar på tilbod om plass her.

• Rett til barnehageplass gjeld i kommunen der barnet bur.  
• Barn utan barnehageplass som fyller eitt år i perioden januar- august har rett til plass i august det året dei fyller eitt år.  
• Barn utan barnehageplass som fyller eitt år i september, oktober eller november har rett til barnehageplass innan utgangen av den månaden dei fyller eitt år.  
• Barn utan barnehageplass som fyller eitt år i desember har rett til barnehageplass førstkommande august etter at dei har fylt eitt år.  
• Eldre barn utan barnehageplass har rett til plass i august.  
• Du kan søke om barnehageplass utan at barnet bur i Ålesund, men barnet må ha bustadadresse i Ålesund ved oppstart.  

Vedtekter for private barnehagar finn du på nettsida til barnehagane eller ved å kontakte barnehagen direkte.

Her finn du vedtekter for kommunale barnehagar.

• Søknadsskjemaet om barnehageplass er elektronisk. Det er same søknadsprosess for kommunale og private barnehagar.  
• Du kan velje fire barnehagar i søknaden din. Barnehagane blir prioritert frå ein til fire, ved tildeling av plassar.
• Du må prioritere kva barnehage du ønsker at barnet ditt skal gå i – sjå oversikt over barnehagane i Ålesund.
• Ein kan søke barnehageplass gjennom heile året. Søknadsfrist for hovudopptaket er 1. mars.

Søk barnehageplass

Om du søker barnehageplass innan søknadsfristen for hovudopptak, som er 1. mars, vil du få svar i slutten av mars eller starten av april. 

Søker du etter 1. mars eller gjennom året, vil du bli sett på venteliste og få tildelt plass når barnehagen har ein ledig plass.

Du takkar ja til tilbod om barnehageplass på same stad som du søkte om plass, i Foresattportalen.

Lenke til å svare finn du på framsida når du har logga deg inn.

All administrasjon av barnehageplass skal gjerast i Foresattportalen, same stad som du søkte om plass.

Du kan søke om å få bytte til ein annan barnehage. Barnet blir då sett på venteliste til barnehagen du ønsker å bytte til. Ved overgang til ny barnehage blir tidlegare barnehageplass automatisk sagt opp. Hugs at søknad om bytte er bindande.

Endre barnehageplass

Logg inn med ID-porten, gå til fana min side og nedtrekkmeny og plasseringane mine. Der trykker du på søk om endra plasstype. 

Reglar og frist for oppseiing av barnehageplass, finn du i barnehagen sine vedtekter. Sjå heimesida til barnehagen.

Du må rekne med å måtte betale for plassen i oppseiingsperioden.

Oppseiing av plass skal gjerast i Foresattportalen

Det er berre den føresette som er registrert som føresett nummer 1 som kan seie opp plassen.

Seie opp barnehageplass