Nordgård Heen har vore midlertidig leiar for koordinering og tildeling dei siste månadane. Ho er sjukepleiar med master i ernæring og leiarutdanning. Ho har leiarerfaring frå både spesialist- og kommunehelsetenesta, og kjem frå leiinga i helseområdet i kommunen.
Koordinering og tildeling er no organisert til leiinga i kommunalområde helse. Les meir om organiseringa av området. Inn i den nye stillinga meiner Nordgård Heen at samarbeid og god kommunikasjon er viktig, spesielt no og framover.
– Vi skal hjelpe kvarandre og satse på fagleg utvikling for å nå felles mål. Vi veit at vi må prioritere riktig, og at det vil bli nokre tøffe val framover, men målet er god helsehjelp til alle innbyggarane, seier Nordgård Heen.
Kommunalsjef Synnøve Vasstrand Synnes er glad for å få Nordgård Heen med på laget.
– Eg er glad for at vi får styrka det strategiske arbeidet med Tonje sin kompetanse. Målet er å rigge oss slik at vi kan møte innbyggarane sine behov for helse- og omsorgstenester i åra som kjem, blant anna gjennom betre samarbeid mellom dei ulike tenesteområda i kommunen.