Jf. plan- og bygningslova §§ 12-8 og 12-14 gjerast det kjent at det er starta opp arbeid med detaljregulering for Breivikvegen 48, gnr. 50 bnr. 1054 med fleire (PlanID 2026007267)
Hovuddelen av planområdet er avsett til arealformål bustad i gjeldande kommunedelplan (planID 15042012000101). Mindre delar av planområdet er sett av til grønstruktur, friområde og offentleg eller privat tenesteyting.
Planområdet er hovudsakleg regulert i Moaområdet, reg.plan m/best. frå 1995 (planID 1504411). I gjeldande reguleringsplan er planområdet sett av til frittliggande småhusbusetnad, køyreveg, gang-/sykkelveg og park.
Planområdet kjem også over i reguleringsplan E136 Breivika - Lerstad, endra tunneltrasé og kryssområde – områdeplan (planID 2023006978) i nordre del der offentleg eller privat tenesteyting, friluftsføremål og veg blir påverka.
I tillegg vil planområdet påverke reguleringsplanen Nupen - Rabbevågskiftet, reg.plan for området N, m/best. (planID 1504256) der det blir regulert på nytt delar av køyreveg og gangveg.
Planforslaget skal legge til rette for etablering av lågblokker med inntil 34 leilegheiter med tilhøyrande garasjeanlegg og leike-/uteopphaldsareal innanfor gnr. 50 bnr. 1054 og 1315. Vegen er teken med i plangrensa for å rydde opp i reguleringane og gi rom for vurdering av løysingar knytt til veg og mjuke trafikantar.
Mindre justeringar i plangrensa kan skje som følge av innspel til planarbeidet.
Detaljreguleringa er vurdert ut ifrå forskrift om konsekvensutredninger (KU), og er vurdert til ikkje å vere KU-pliktig fordi ny regulering hovudsakleg er i samsvar med overordna planar.
DOKUMENT FOR NEDLASTING (PDF)
Planarbeidet utførast av proESS AS på vegne av Finsethagen AS.
Oppstartmøte ble gjennomført med kommunen 09.06.2026. Oppstartsmeldinga kan sjåast på heimesida www.proess.no.
Eventuelle innspel til planarbeidet skal vere skriftlege og kan sendast slik :
- Med post til proeSS AS, Nybøbakken 2, 6011 Ålesund
- På e-post til post@proess.no
Frist for innspel: 28.10.2026
Ansvarleg for kunngjeringa: Verksemd for plan og bygning