I medhald av plan- og bygningslova § 12-8 blir det varsla oppstart av arbeid med detaljregulering for Daaevegen 11, gnr./bnr. 25/210, på Moa i Ålesund kommune. Planarbeidet blir utført av NielsTorp+ på vegne av forslagsstillar, Nordvest Boligutvikling AS.
Føremålet med planarbeidet er å leggje til rette for fortetting med bustadbebyggelse på eksisterande bustadtomt. Planinitiativet viser inntil 8 kjeda einebustader i to etasjar, med tilhøyrande tilkomst, parkering, leike- og uteopphaldsareal og renovasjonsløysing.
Planområdet omfattar i hovudsak gnr./bnr. 25/210, samt delar av tilgrensande veg- og tilkomstareal for å sikre gode løysingar for tilkomst, gang- og sykkelforbindelsar og infrastruktur. Planområdet er sett av til bustadføremål i kommuneplanen sin arealdel.
Kommunen og forslagsstillaren si førebelse vurdering er at planarbeidet ikkje utløyser krav om planprogram eller konsekvensutgreiing etter forskrift om konsekvensutgreiingar, fordi planarbeidet er vurdert å vere i samsvar med overordna plan. Det er ikkje registrert forhold som tilseier at tiltaket vil få vesentlege verknader for miljø eller samfunn.
Planområdet markert med stipla linje på oversiktskartetDOKUMENT FOR NEDLASTING (PDF)
Lenke til kart/plandialog i ISY Map
Eventuelle innspel til planarbeidet skal vere skriftlege og kan sendast slik :
- Med post til NielsTorp+, Industrigata 59, 0357 Oslo
- På e-post til cle@nielstorp.no
- Telefon +47 40752172
Frist for innspel: 24.08.2026
Ansvarleg for kunngjeringa: Verksemd for plan og bygning