Planutvalet vedtok i møte 02.06.2026, med heimel i plan- og bygningslova § 12-10, å sende forslag til detaljregulering for Moa vest – Daaevegen – gbnr. 25/183 på høyring og leggje det ut til offentleg ettersyn.
Planforslaget er utarbeidd av Norconsult Norge AS på vegne av Moa Vest Eiendom AS. Planen gjeld eit område på Moa, avgrensa av Borgundvegen i nord, Langelandsvegen i aust, Furmyrvegen i sør og Daaevegen i vest.
Føremålet med planen er å leggje til rette for transformasjon av planområdet til ei meir bymessig utbygging. Planforslaget opnar for ein kombinasjon av bustader, forretning, tenesteyting, kontor og hotell/overnatting.
Det blir også lagt til rette for uteområde, leike- og opphaldsareal, gangsamband gjennom området og parkering under bakken. Planforslaget er konsekvensutgreidd.
Dokument i saka
Saksdokument i pdf-format:
Naboar og andre aktuelle partar blir underretta i eige brev.
Open kontordag/dialogmøte
I høyringsperioden blir det halde open kontordag tirsdag 18. august i Coop Nordvest sine lokale i Langelandsvegen 35 på Moa. Her vil det vere mogleg å få informasjon om planområdet og prosjektet, og å stille spørsmål til forslagsstillar og kommunen.
Dei som ønskjer å reservere tid til eit møte denne dagen, kan gjere dette via følgjande lenke: Dialogmøte Moa Vest.
Møta er meint for informasjon og dialog i høyringsperioden, om du har merknadar må du likevel sende inn merknadane skriftleg.
Vidare saksgang
Sender du inn merknad, får du ikkje eige svarbrev. Merknaden blir kort referert og kommentert i saksframlegget når saka blir lagd fram for planutvalet til 2. gongs behandling, og eventuelt sendt vidare til kommunestyret for sluttbehandling. Melding om vedteken reguleringsplan blir kunngjord, og alle partar saka vedkjem, inkludert dei som har sendt inn merknader, får skriftleg melding.
Send merknadar til høyringa
Merknadar kan sendast skriftleg til Ålesund kommune på ein av følgjande måtar:
Høyringsfrist: 08.09.2026
Ansvarleg for kunngjeringa: Verksemd for plan og bygning