Kunngjering av vedtak – endring av reguleringsplan for Gåseid–Lerstad

Ålesund kommune har gjort delegert vedtak om å godkjenne endring av reguleringsplan for Gåseid–Lerstad, for Lerstadvegen – gnr./bnr. 38/3, jf. plan- og bygningslova § 12-14.

Endringa gjeld ei mindre justering av regulert køyreveg o_SVK40. Vegen blir forskoven inntil 1,3 meter mot vest for å tilpassast faktiske eigedomsforhold. Det er også gjort mindre justeringar i plankartet knytte til avkøyrsle og byggjegrense. Reguleringsføresegnene blir ikkje endra.

Planendringa er behandla etter forenkla planprosess i medhald av plan- og bygningslova § 12-14, fordi kommunen har vurdert at vilkåra for mindre endring er oppfylte. Endringa er av avgrensa omfang, går ikkje utover hovudrammene i gjeldande reguleringsplan, påverkar i liten grad gjennomføringa av planen elles, og rører ikkje ved omsynet til viktige natur- og friluftsområde.

Oversiktskart med planområdet vist i blått

Dokument i saka 

Saksdokument i pdf-format:

• Vedtak - Delegert sak 003-26
• Forenklet planbeskrivelser
• Plankart reguleringsendring 
• Plankart samstilt med eksisterende 
• Støyvurdering
• Søker sine kommentarer til innspill
• Samlefil merknader ved høring
• Lenke til kart/plandialog i ISY Map

Naboar og andre aktuelle partar blir underretta i eige brev.

Vedtak om eigengodkjenning er eit enkeltvedtak som kan påklagast, jf. pbl. § 1-9.

Krav om innløysing eller erstatning etter pbl. §§ 15-2 og 15-3, må vere lagt fram for kommunen seinast
tre år etter denne kunngjeringa.

Eventuell klage kan sendast slik: 

• Via denne lenken:  https://min.kommune.no/s/dexr
  Tittelen på klagen/meldingen skal merkes med "26/7410" i starten.
• På e-post til  Postmottak@alesund.kommune.no
• Alternativt med post til Ålesund kommune, Plan og bygning, postboks 1521, 6025 Ålesund

Klagefrist:  13.10.2026

Ansvarleg for kunngjeringa:  Verksemd for plan og bygning