Kommunestyret har i møte 13.11.2025, med heimel i pbl. § 12-12, eigengodkjent:
- Detaljregulering for Nørvevika – Sørnesvågen - gbnr. 137/19 mfl.
Planområdet ligg langs Sørnesvågen i Ålesund kommune. Reguleringsplanen legg til rette for etablering av kontorbygg innerst i Sørnesvågen, bustadfortetting med blokkbusetnad på 3–5 etasjar på Magdevågneset, og eit nytt større næringsbygg på ei eksisterande industritomt i Kollvika.
Planen omfattar også regulering av leike- og grøntareal, nødvendig teknisk infrastruktur og utbygging av gang- og sykkelvegar.
Køyrevegen Nørvevika blir forlenga langs nordsida av Sørnesvågen med ny gang- og sykkelveg, og det blir etablert ei gang- og sykkelforbindelse mellom Kollvika og Sørneset. Tiltaket følgjer opp overordna mål om styrkt sykkeltilgjenge mellom bysentrum og campus.
Planområdet markert med grønt på oversiktskartet. Kartutsnitt: Ålesund kommune
Dokument i saka
Lenke til saksdokument i pdf-format:
Naboar og andre aktuelle partar blir underretta i eige brev.
Vedtak om eigengodkjenning er et enkeltvedtak som kan klagast på, jf. plan- og bygningslova (pbl.) § 1-9.
Eventuell klage skal sendast skriftleg til Ålesund kommune innan 19.12.2025
Krav om innløysing eller erstatning etter pbl. §§ 15-2 og 15-3, må settast fram for kommunen seinast 3 år etter denne kunngjeringa.
Eventuell klage kan sendast slik:
Klagefrist: 19.12.2025
Ansvarleg for kunngjeringa: Verksemd for plan og bygning