• Kommunen sitt ansvar:
  Brøyting og strøing av det kommunale vegnettet med tilhøyrande gang-/sykkelvegar, og gang- eller sykkelvegar langs fylkesvegar blir utført av Ålesund kommune. Her kan du sjå kart over brøyteroder.

• Fylkeskommunen sitt ansvar:
  Innanfor kommunegrensene går det også fylkesvegar. Møre og Romsdal fylkeskommune har ansvaret for brøyting og strøing av fylkesvegane. Henvendelser om fylkesvegar rettast til Møre og Romsdal fylkeskommune på e-post post@mrfylke.no.

• Vegvesenet sitt ansvar:
  Innanfor kommunegrensene går det også riks- og europavegar. Dette er gjerne dei største vegane som eksempelvis E39 og E136. På slike vegar er det Statens vegvesen som har ansvaret for brøyting og strøing. 
  
  Henvendelser om riks- og europavegar rettast til Statens vegvesen via deira nettside.

• Privat ansvar:
  Dei som har eigedommar i sentrum, har sjølv vedlikehaldsplikt på fortaua. Private vegar skal driftast og vedlikehaldast av dei som brukar vegen i henhald til veglova § 54. Brøytekantar mot private vegar og innkøyringar må vedlikehaldast av den enkelte eigar eller velforening. 

Sjekk i kartet kva vegar som er fylkeskommunale, kommunale eller private.

Dette er det du ser på på kartet (slik kan vi enkelt sjå kven som ansvar for kva; deg som innbyggar, kommunen, fylkeskommunen, vegvesenet og så vidare):

• Vegkategori P (lys grøn farge) er privat veg.
• Vegkategori K  (lys oransje/brun farge) er kommunal veg.
• Vegkategori F  (gul farge) er fylkeskommunal veg.
• Vegkategori E  (mørk oransje farge) er europaveg (statlig veg).
• Vegkategori S  (brun farge) er skogsbilveg.

Heiltrekt linje er køyrevegar. Stipla linje er gang- og sykkelvegar.

Nokre gangvegar vises med rosa stiplede linjer. Traktorvegar er vist med stiplede mørk blå linjer.

Heile mannskapen har døgnkontinuerlig vakt i vinterhalvåret. 

• Brøyting og snørydding på kommunens roder utførast delvis av innleigde entreprenører, og delvis av våre eigne folk. 
• Kommunen og nokon av våre entreprenører utførar brøyting og snørydding på nokon av fylkes- og riksvegane også. 

Dette blir prioritert først:

• Hovudvegar, fortaua, gangvegar og sykkelvegar
• Boligvegar
• Private vegar med brøyteavtalar

Berre dei høgt prioriterte vegane blir vanlegvis strødd eller salta, samt parti som er definert som kritisk bratte eller trafikkfarlege.

Trappegater i sentrum blir spadd for hand/frest/strødd på dagtid.

Brøyting på kommunal eigedom

Ålesund kommunale eigedom (ÅKE) har avtale om brøyting på ulike kommunale eigedommer, for eksempel ved skular, barnehagar og omsorgssentre. Dette utførast av enten verksemda for miljø og samferdsel i Ålesund kommune, eller innleigde entreprenørar etter avtale.

Dette gjeld snørydding på dei områda der det er muleg å komme til med maskinell brøyting, i den grad ein kan komme til med slikt utstyr – altså traktorar og brøytebilar.

Det som ikkje kan eller er bestilt rydda maskinelt, for eksempel heilt fram til ei inngangsdør, fell utanom brøyteavtalen. Då blir dette verksemda sitt eige ansvar å rydde.

Strøing på kommunal eigedom

Ålesund kommunale eigedom har ingen faste avtalar om strøing på ulike kommunale eigedommer, som skular, barnehagar og omsorgssentre. Når det fins tydelege behov for strøing, eller slike behov blir meldt inn til ÅKE, blir det bestilt strøing. Dette gjeld berre strøing av område som ÅKE har brøyteansvar for.

På dei stadane eller i dei områda der dei kommunale verksemdene sjølv manuelt må rydde snø, blir det også verksemdene som må vurdere om dei skal strø der.

I følge Samferdselsdepartementet må eigedommer som grensar ut til offentleg veg rekne med at noko av snøen som blir brøyta eller frest hamnar inn på privat grunn. Dette er det ein langvarig og etablert praksis for. Den nytten eigedommer som grensar til offentleg veg har av å få rydda vegen for snø, blir mellom anna sett på som større enn ulempene ved at noko av snøen hamnar på privat grunn.

Vi vil alltid prøve å unngå å brøyte snø inn på private eigedommer, men vi må prioritere trafikksikkerheit og framkommelegheit. Dersom vi har brøyta snø inn på din eigedom, ber vi om at den ikkje blir flytta ut igjen på fortauet eller ut i køyrebana. På denne måten sikrar vi enklare forhold for fotgjengarar og bilistar.

Skade på privat eigedom

Dersom vårt vintervedlikehald har forårsaka skade på privat eigedom, ber vi om at dette meldast skriftleg til oss:

• Beskriv kort kva skade som er skjedd
• Tidspunktet skada skjedde
• Legg ved bilde

• Har du avkøyrsel er det ditt ansvar å fjerne brøytekanten der. Klarer du ikkje dette sjølv, må du få nokon til å hjelpe deg.
• Plogen/fresen kjem vanlegvis fleire gongar på samme strekning. Første gang sikrast framkommelegheit, andre gong blir det rydda ordentleg. Vent derfor med å rydde eigen innkøyrsel til gata er brøyta ferdig.
• Huseigarar i sentrumsstrøk må halde fortauet framkommeleg. Har du ikkje varmekablar eller liknande, må fortauet brøytast ut mot brøytekanten, samt strøast ved behov (strøplikt). I sentrum skal det sikrast at snø og is frå hustaka ikkje sett ferdsel i fare. Sett opp avvisarar og rydd taket snarast.
• Plassering av gjenstandar langs vegkanten som kan skade utstyr, brøytemannskap eller andre ved påkøyrsel er farleg og ulovleg, og du kan risikere erstatningskrav.
• Private huseigarar kan ha gjort private avtalar, så det kan vere fleire brøytarar i området som ikkje har ansvar for gata di.
• Treng du ein brøyteavtale for privat veg, ta direkte kontakt med private leverandørar av slike tenester.

Kva kan du passe på?

• Bilen din skal ha tilsyn ein gong i døgnet. Det kan vere vanskeleg å sjå om ein snøhaug inneheld ein bil eller eit anna køyretøy. Ved mykje snø kan det vere nødvendig å rydde gata. Då må køyretøya flyttast.
• Fjern vegetasjon på eigen grunn som gjeng utover vegen eller fortauet og som hindrar brøyting. Det skal vere 4,6 meter under greinene på tre også når det er snø.
• Hekkar, gjerder og liknande må vere plassert i tilstrekkeleg avstand frå vegen, og skal dimensjonerast for å tole påkjenninga dei blir utsett for. Skader på installasjonar som ikkje tilfredsstiller desse krava blir ikkje erstatta.

Korleis kan du best hjelpe til?

• Privatbilar i smale boliggater er den største utfordringa ved snøfall.
• Parkere slik at bilen ikkje er til hinder. I beste fall blir bilen brøyta inne. I verste fall hindrar bilen at heile gata blir brøyta, og den kan bli taua bort om den står ekstra vanskeleg til.
• Ut frå sida på bilen skal det vere tre meter å passere på for brøyteutstyr som brøyter, for brannbil, ambulanse og renovasjonsbil. Det skal også vere plass for brøytekantar.
• Husk at snuplassar skal vere fri for parkerte biler.

Frå hausten 2020 vil Ålesund kommune ikkje lengre inngå avtalar om brøyting av private vegar. Dette betyr at dei som tidlegare hadde slike avtalar gjennom gamle Ålesund kommune, no må ta direkte kontakt med private leverandørar av denne tenesta for inneverande sesong og framover.