Søk om arbeidsløyve

Typiske aktivitetar som er søknadspliktige er stillasarbeid, konteinarar, kraning, vask av vindauge, riggområde, arrangement og tilstellingar på offentleg grunn.

Alt arbeid i den kommunale vegen skal søkast om. Dette gjeld også areal som offentleg tilgjengelege fortau, gang- og sykkelvegar, kaier, torg og plassar.

Arbeid innanfor vegens sikkerheitssone må også søkast om. Dersom du arbeider på privat område, men så nær vegen at det påverkar vegen eller trafikken, eller at det kan vere farleg for trafikantar eller arbeidarar, er du i sikkerheitssona. Utstrekninga av sona er avhengig av både fysiske forhold og fartsgrense på vegen. Er du i tvil om dette gjeld der du skal arbeide, må du ta kontakt. Sjå informasjon om arbeidsvarsling for meir informasjon om vegens sikkerheitssone.

Ved arbeid i, eller i nærleiken av, kommunal veg har kommuna nokre krav og føringer for korleis bygge- og anleggsarbeid skal gjennomførast. Sjå Retningslinjer for arbeidsløyve på kommunal veg i Ålesund kommune. (PDF, 8 MB)

I tillegg til eit løyve om å få arbeide i vegen, må ein alltid ha ein godkjent plan for varsling og sikring av det arbeidet som skal gjennomførast. Arbeidsvarsling kan du lese meir om her. 

Statens vegvesen handterer søknader om arbeidsvarsling og arbeidsløyve for riksvegane. 

Fylkeskommunen handterer søknader om arbeidsløyve for fylkesvegane. 

Søknad om arbeidsvarsling på fylkesvegane er det Statens vegvesen som handterer, men arbeidsløyvet frå fylkeskommunen må leggast ved søknaden. 

Generelle krave til bredder

På areal tilrettelagt primært for ferdsel for mjuke trafikantar, som til dømes fortau, gågater, torg, sykkelvegar og gang- og sykkelvegar skal minstebredder utan hinder for passering vere oppfylt. Om kravet ikkje vert dekka naturleg på staden, må tiltak settast i verk. Skiltstolpar, gatelys, brannhydrantar og liknande hinder kan ikkje vere innanfor minimumsbredda.

Passeringsbredder ved tiltak på fortau i opptil 15 m lengde er minimum 1,4 m. Strekningar lenger enn 15 m skal ha minimumsbredde på 1,8 m. Ved passering under stillas kan likevel bredde på 1,4 m aksepterast dersom det vert etablert møteplass minimum for kvar tolvte meter.

Torg, gågater og gang- og sykkelvegar skal ha minimum passeringsbredde på 2,0 m.

Sykkelvegar skal oppretthalde opphaveleg bredde forbi tiltaket.

Sjå ulike eksempel og dømer i retningslinjene.

Gjennomføringstid

Stenging av areal for mjuke trafikantar kan ikkje skje lenger enn 2 veker, og inntil 4 veker i bustadgater utan gjennomgangstrafikk. Om arbeidet skal vare lenger må tiltak settast i verk for å etablere minste passeringsbredde frå oppstart av arbeidet.

Gangtunnel

Gangtunnelar kan brukast når kravet til minste passeringsbredde for mjuke trafikantar ikkje kan oppretthaldast, eller der mjuke trafikantar skal sikrast frå arbeid som går føre seg.

Gangtunnelen skal minimum vere 1,8 m brei. Ved stillas kan likevel tunnelbredde på 1,4 m aksepterast dersom det vert etablert møteplass minimum for kvar tolvte meter.

Gangtunnelar over 6 m skal være lyssett innvendig.

Reinhald, snørydding og strøing i tilknyting til gangtunnelar er entreprenør / utførar sitt ansvar.

Gangtunnelen skal videre være utstyrt med reflekterande markeringar plassert på alle hjørne, tilsvarande skilt 906 hindermarkering. Refleksplata skal minimum være 50 cm høy og 10 cm bred, med skråstripene peikande ned mot den sida trafikken skal passere. Reflekskvaliteten skal være refleksklasse 3 tilsvarande skilt 906 hindermarkering.

Høgdedifferansen mellom gangtunnelen og vegdekke skal jamnast ut med ein rampekonstruksjon. Helling på rampa skal ikkje vere større enn 1:12.

Gangtunneler skal ha sklisikker botn og rampe, og det skal ikkje være avstand mellom gangtunnel og rampe.

Stillas skal settast opp i tråd med retningslinjene for arbeidsløyve på offentleg veg, så det er viktig å sette seg inn i kva regelverk som gjelder for slike arbeider. 

Når du planlegg å sette opp stillas er krava som gjeld for å ta i vare dei mjuke trafikantane avgjerande for korleis du skal løyse arbeidet. Derfor er det viktig å vere godt kjent med desse, sjå Krav til areal for mjuke trafikanter.

Ved montering av stillas på areal der mjuke trafikkantar ferdast skal alle hjørne og kantar som stikk ut sikrast med skjerming og merking. Skjerminga skal også ta høgde for syklistar. Merking skal gjerast med reflekterande materiale i refleksklasse 3 med fargar og utforming tilsvarande skilt 906 hindermarkering i raud og fluoriserande gult.

Det skal ikkje vere utstikkande deler inn i passeringsareal eller fare for nedfall frå stillaset.

Mellombelse ledelinjer, som også sikrar blinde og svaksynte, skal etablerast forbi arbeidsstaden.

Stillas skal vere sett opp etter Forskrift om utførelse av arbeid kap. 17 Arbeid i høyden, og etter Produsentforskiften kap. 4 Stillaser og stiger, eventuelt etter anna gjeldande regelverk som utfyller og / eller erstattar desse.

Conteinar skal settast opp i tråd med retningslinjene for arbeidsløyve på offentleg veg, så det er viktig å sette seg inn i kva regelverk som gjelder for slike arbeider. 

Når du planlegg å sette opp ein conteinar er krava som gjeld for å ta i vare dei mjuke trafikantane avgjerande for korleis du skal løyse arbeidet. Derfor er det viktig å vere godt kjent med desse, sjå Krav til areal for mjuke trafikanter. 

Conteinaren skal vere av stål eller anna materiale som ikkje er brennbart.

Innanfor den verneverdige tette trehusbusetnaden i kommunen skal conteinaren også ha lokk som kan stengast og låsast når conteinaren ikkje er i kontinuerleg bruk. Dette kravet kan også settast ved andre spesielle høve.

Ved planlegging av plassering av conteinar må det takast omsyn til at sikker og effektiv levering og henting kan gjennomførast. En bil treng om lag 10 m for å sette frå seg ein conteinar.

Conteinaren skal videre være utstyrt med reflekterande markeringar plassert på alle hjørne, tilsvarande skilt 906 hindermarkering. Refleksplata skal minimum være 50 cm høy og 10 cm bred, med skråstripene peikande ned mot den sida trafikken skal passere, jf. illustrasjon under. Reflekskvaliteten skal være refleksklasse 3 tilsvarande skilt 906 hindermarkering.

Om det er naudsynt med direkte utkast til conteinar frå etasjar over, skal dette skje gjennom rør eller likande som er solid opphengt og understøtta.

Bruk av conteinar skal generelt ikkje føre med seg støvplager.

Conteinar skal fjernast når den er fylt opp eller når den ikkje er i dagleg bruk.

Ved gateleige vert areal for conteinar berekna til minimum 10 m2.

I tillegg til å søke vegmynda om løyve, skal det også søkast om løyve frå politiet om ein planlegg eit arrangement. Dette gjeld alt frå appellar, til opptog, festivalar og andre markeringar.

Det er viktig å søkje om slike arrangement i god tid, både med tanke på andre aktivitetar som foregår, og for å kunne planlegg og sette i verk naudsynte sikring- og trafikkavviklingstiltak som arrangementet genererer.

Ålesund kommune har eit mål om å sikre Ålesund sine tre. 

Når det skal gravast eller arbeidast nær tre skal det bli tatt omsyn til røter, stamme og trekrone. Vi vil unngå å svekke livslengda på trea, skape risikotre eller gjere dei sårbare for sjukdom og skadedyr. 

Når du planlegg arbeid på kommunal grunn må du sjekke rettleiinga for arbeid nær tre og krav for rigg- og anleggsarbeid. Du må utarbeide ein plan for arbeidet som skal følge med gravemeldinga eller søknad om arbeidsløyve.  

I tillegg til gebyr for saksbehandling, kontroll og oppfølging er det vedtatt at bandlegging av areal skal belastast tiltakshaver. Dette for å redusere ulempene for trafikantane. Satsane finn du i prislista nedanfor.

Sjå Regelverk for gateleige ved mellombelse bygge- og anleggsarebeid i kommunal veg i Ålesund kommune (PDF, 3 MB).