Kongshaugen reinseanlegg er planlagt ferdig og sett i ordinær drift i løpet av første halvdel av 2028. Fram til det nye reinseanlegget er i drift må Ålesund kommune handtere søknader om tilknyting til det kommunale avløpsnettet innanfor kapasiteten til dei eksisterande reinseanlegga.
Overgangsordninga som har vore fram til oktober 2026 er at nye påslepp til offentleg avløpsnett må etablere ei privat reinseløysing før påslepp til offentleg nett. Ålesund mjuknar no opp denne praksisen.
Praksisen er midlertidig og gjeld fram til Kongshaugen reinseanlegg er sett i ordinær drift. Dersom forutsetningane for avløpssituasjonen endrar seg, må kommunen gjere ei ny vurdering.
Praksisen startar å gjelde frå 1. oktober 2026 og gjeld for utvalde reinsesoner som skal over til Kongshaugen reinseanlegg. (Les meir om dei enkelte sonene lenger nede i saka)
Kommunen vil fortløpende vurdere kapasiteten. Dersom forutsetninga endrar seg eller tilgjengeleg kapasitet blir redusert, så kan praksisen bli justert. Det vil då bli kunngjort.
Midlertidig praksis
Kommunen vil som hovedregel legge følgande praksis til grunn:
RA4 Åse, RA6 Flisnes og RA26 Hankane :
Tilknyting som normalt. Inga overgangsordning i utgangspunktet.
RA3 Larsgården reinseanlegg og RA5 Breivika reinseanlegg:
Frå 1. oktober 2026 vil nye tilknytingar ikkje ha krav om privat reinseløysing før påslepp.
Kommunen vil fortløpande vurdere kapasiteten. Dersom forutsetningen endrar seg eller tilgjengeleg kapasitet blir redusert, så kan praksisen bli justert. Det vil då bli kunngjort.
RA15 Løvika, RA18 Borgundgavlen og RA21 Bingsa:
Kommunen vil som hovudregel kunne godkjenne nye tilknytingar til det kommunale avløpsnettet utan krav om privat reinseløysing. For større utbyggingar som forårsakar mange PE eller stor vassmengde må verksemd for vatn og avløp vurdere kvart enkelt tilfelle.
Dersom forutsetninga endrar seg eller tilgjengeleg kapasitet blir redusert, så kan praksisen bli justert. Det vil då bli kunngjort.