Det blir skifta vatn- og avløpsleidningar i Torvmyrvegen.
I samband med det får vi også skilt mellom overvatn (regnvatn) og spillvatn/kloakk som skal vidare til avløpsreinseanlegg.
Når vi gjer denne jobben, så får vi også montert tre nye brannhydrantar som gir betre brannvatn-dekning i området.
Oppstart i mai
Det er planlagt at arbeidet startar i løpet av mai månad og at det skal vere ferdig før vinteren kjem.
Medan vi arbeider må trafikken gå via Vegsundstranda og Gamle Vegsundveg.
Arbeidet blir gjort i tre etappar.
- Trafikk frå Vegsundstranda og delar av Gamle Vegsundveg vil bli omdirigert
vestover via Gamle Vegsundveg. Privat veg vil i denne perioden få auka trafikkmengde. - Trafikk frå Vegsundstranda og delar av Gamle Vegsundveg vil bli omdirigert
vestover via Vegsundstranda. - Trafikk frå Torvmyrvegen vil gradvis bli omdirigert til Gamle Vegsundveg etter kvart som vi kjem vidare med gravearbeidet. Då vil omkøyring gi meir trafikk på Gamle Vegsundveg.
For å sikre både mjuke trafikantar og bilistar planlegg vi mellom anna lavare fart, skilting og anleggstrafikk som vil prøve å unngå periodar med mange gåande og syklande.
Det blir regelmessig tilsyn og vedlikehald av vegen i anleggsperioden og eventuelle skadar vert også utbetra når arbeidet er over. Eigedomar som eventuelt blir påverka av arbeidet vert også sett i stand til slik det var før arbeidet starta.
Har du spørsmål?
Har du spørsmål, er du velkomen til å ta kontakt.
Byggeleiar Sissel Fuglstad,
e-post: sissel.fuglstad@alesund.kommune.no
Prosjektleiar, Justin Chen,
e-post: justin.chen@alesund.kommune.no