Kva som skal skje:
Ålesund kommune har ansvar for sikkerheita ved dammane på Langevatnet, Strokevatnet/Bigtonvatnet saman med andre dammar på Emblemsfjellet. I tråd med regelverket for damtilsyn er det gjort ei revurdering som viser at vi må gjere strakstiltak for å auke stabiliteten og sikkerheita på desse to demningane. Ein sikrare dam betrar også sikkerheita for kvaliteten på råvatnet i Brusdalvatnet.
Saka er tatt opp med NVE (Norges vassdrags- og energidirektorat) og vår konsulent, Multiconsult AS, som seier at vasstanden må senkast for å få nødvendig sikkerheit.
Vi veit ikkje kor lang tid nedtappinga vil ta, men vi må vere ferdige før vinteren kjem og det legg seg is på vatna. Tidleg i november kom hevert på plass ved Langevatnet (bildet) og det er meisla vekk noko av overløpet. Vidare skal det tappast frå både hevert, overløp og røra i demninga. Det skal også meislast vekk og gravast vekk frå resten av overløpet. Arbeidet her er planlagt å ta eit par veker før utstyret vert frakta vidare til Strokevatnet.
Langevatnet
Senking av vasstanden er eit nødvendig tiltak på kort sikt. På lengre sikt vil arbeider vi med rehabilitering av dammen for å betre sikkerheita og oppretthalde vasstanden.
For Langevatnet er planen å halde vasstanden 3,2 meter under høgaste regulerte vasstand gjennom vinteren.
Her etablerer vi nytt overløp og førebur rehabilitering fordi Langevatnet er krisevasskjelde. Utløpet er no normalisert og vi ser vidare på planar for rehabilitering. Det må også søkast om til NVE.
Området vil vere prega av arbeidet ei tid framover, men å stelle til etter at vi er ferdige er ein viktig og sjølvsagt del av jobben.
Strokevatnet/Bigtonvatnet
Senking av vasstanden er eit nødvendig tiltak på kort sikt. På lengre sikt vil vi sjå på om vi må gjere andre tiiltak for å auke stabiliteten på dammen.
For Strokevatnet/Bigtonvatnet er planen å halde vasstanden 3,1 meter under høgaste regulerte vasstand gjennom vinteren.
Utløpet frå dammen er no normalisert og sidan vatnet ikkje lenger er ein del av vassforsyninga, meiner Vatn og avløp i Ålesund at dammen bør sanerast. Her ønskjer Vatn og avløp innspel frå politikarar. Planane må også søkast om til NVE.
Vi skal følge opp sikkerheit og tilkomst i anleggsperioden og området vil vere prega av arbeidet ei tid framover, men å stelle til etter at vi er ferdige er ein viktig og sjølvsagt del av jobben.
Kommunikasjon
Før tiltaka har vi hatt internhøyring, dialog med NVE og gitt skriftleg orientering til grunneigarar i tillegg til at vi har hatt møte med dei. Helikopterflyging vart annonsert i media og det er orientert om prosjektet på kommunen si heimeside og på Facebook. Oppe på fjellet er det skilta og sagt i frå at all ferdsel på anleggsområdet skjer på eige ansvar.