I samband med omlegginga vert det også lagt ekstra rør for overvatn. Då slepp vi bruke energi og kapasitet i pumpestasjonane til å reinse overvatnet.
Arbeidet starta i 2025 og går i fleire fasar. Det vert gravd og lagt nye leidningar i etappar mellom kummar, og områda der vi har jobba vert sett i stand før vi går vidare til neste område.
På ettervinteren 25/26 blir det arbeidd i fase 4 i Borgundvegen og vi jobbar oss vestover mot Lillenørve.
Vi held framdrifta. Planen er at alt skal vere ferdig før sommaren 2026, men er avhengig mellom anna av vêrforhold og om det dukkar opp uførutsette forhold i grunnen.
Nokre delar av strekninga vil vere påverka av arbeidet over lengre tid, medan andre vert ferdig raskare. Faseplankartet her gir ei oversikt over kva område vi jobbar i og i kva rekkefølge.
Utan opa grøft
I ein del av den gjenståande arbeidet skal vi ikkje grave opa grøft, men bruke ein såkalla no-dig-metode. Eit nytt rør blir trekt gjennom det eksisterande røret. Då slepp vi grave opp hagane til folk mellom Fagerlivegen og Bøgata. Ver obs på at det likevel vert punktgraving, for å ordne med tilkopling frå ny leidning til stikkleidninga inn til husa.
Medan arbeidet blir gjort, blir det lagt midlertidig vassleidning slik at folk ikkje mister vatnet over tid. Derimot må vatnet stengast akkurat når ein koplar på den nye leidninga. Det tek etter planen berre nokre få timar, og folk vert varsla på sms i god tid.
Slik sikrar du at du får sms frå kommunen
Trafikk
Arbeidet vil i periodar påverke trafikken med mellom anna omkøyring for bilar. Naboar vert varsla med sms om dette og omkøyring vert skilta.
Etter planen skal du kunne køyre inn i området via innkøyringa ved Kiwi-butikken i løpet av februar. Det vil lette tilkomsten til området.
Vi prøver heile tida å halde vegen open for gåande og syklande. Dersom vi må stenge også for mjuke trafikantar, blir det godt skilta og det blir tatt spesielt omsyn til periodar med skule- og barnehagetrafikk.