Byromsprosjektet

Vi har det siste året arbeida med å finne ut kva folk ønsker og treng frå gode byrom, ved å samle inn innspel og ved å eksperimentere med ulike løysinger.

No er forprosjekt-perioden over. Neste steg er å anskaffe arkitekt og landskapsarkitekt til å lage detaljteikningar for fysisk opparbeiding. 

Utviklingsarbeidet har nytta kunstkompetanse saman med andre fagkompetansar. Vi vil vise, og sjå, korleis kunstnarar kan vere med på å vise nye og breiare syn på kva byrom kan vere.

Statlege og fylkeskommunale tilskot har latt oss gjennomføre prosjektet med denne involveringa av kunstkompetanse.​

Harald Torsviks plass ligg mellom Keiser Wilhelms gate og Kiperviktgata, utanfor Sparebanken Møre.

Korsatunellen er eit tilfluktsrom mellom Keiser Wilhelms gate og St. Olavs plass og Notenesgata. Tunellen er også ei offentleg gågate og torgplass.

St. Olavs plass er eit gaterom utanfor Korsatunellen, mellom Notenesgata, Kongens gate og Løvenvoldbakken.

Byrommene ligger på rad gjennom byen, som en akse Ålesund kommune

I 2023 ble det gjennomført en rekke midlertidige prosjekt som testet ut byrommene, og engasjerte brukerne. Samtidig forsøkte vi å hente inn enda flere innspill og erfaringer gjennom workshops og andre metoder for medvirkning. Dette resulterte i en forprosjektrapport som ble ferdig våren 2024.

Vi jobber nå med detaljerte planer, dette arbeidet går frem til våren 2025.

Tentativ byggestart er høsten 2025.

Byromma er grå og nokså «livlaus» slik dei står i dag. Det er lite fargar, belysning, møblar, planting og andre installasjonar som innbyr til opphald og bruk. Alle treng sårt ein rehabilitering og modernisering for å bli blåst nytt liv i, og vi må sjå på nye moglegheiter for bruk.

Byromma skal bli meir attraktive, og dei skal forsterke kvarandre ved at vi tydeleggjer betre at byromma ligg nærme kvarandre og er kopla saman i ein akse gjennom sentrum. I ei tid med mykje einsemd og der mange manglar tilhøyrsel er utvikling av gode byrom eit viktig folkehelsetiltak.

Dette heng saman med det kommunen kallar den heilskaplege innsatstrappa. Dette er strategien for gode og berekraftige helsetenester i framtida. Utgangspunktet for innsatstrappa er å gjere det vi kan for å skape tilhøyrsel, mangfald og trivsel. Det handlar både om betre liv og betre helse, og om å minske behovet for dyrare helsetenester

Det er også viktig å sjå byromma i kombinasjon med det kommande kollektivknutepunktet, og tilpasse utforminga opp mot dette.

Ålesund kommune er i ei stor endring i tankesettet rundt region, by og tettstadsutvikling. Kunst og kulturen har fått ein større plass i vårt lokalsamfunn, i tillegg til at det leggast politiske føringar for at kunst og kultur skal være ein naturlig drivar i utviklinga av regionen vår.

Hovudmålet er at Ålesund sentrum skal bli meir attraktiv, mangfaldig og bidra til å betre folkehelsa.