Starte eit planarbeid

Når du skal starte arbeidet med ein reguleringsplan, må du først ha eit møte med oss. I eit slikt oppstartsmøte ser vi på overordna rammer og moglegheiter for området, og vi gir føringar for den vidare prosessen.

For å få mest mogleg ut av oppstartsmøtet, treng vi litt informasjon på førehand slik at vi er best mogleg forberedt. Du må ta stilling til korleis forslaget ditt blir påverka av overordna planar, føringar og reguleringar som allerede gjeld for området, lokale forhold med meir.

Oppstartsmøte bør primært vere fysisk for å sikre god dialog og nyttige diskusjonar. ved behov kan enkelte deltakarar delta ved Teams, minimum 1 representant frå plankonsulent skal vere fysisk til stede.

Bestill oppstartsmøte her

Dersom du må lage konsekvensutgreiing og planprogram vil du få beskjed om dette i oppstartsmøtet.

Kva er konsekvensutgreiing?

Ei konsekvensutgreiing er ei særskilt vurdering av reguleringsplanens verknad for miljø og samfunn. Dersom det blir stilt krav om å lage konsekvensutgreiing, kan det også hende at du først må utarbeide eit planprogram.

Kva er eit planprogram?

Planprogrammet beskriv planprosessen, inkludert behov for samarbeid med andre etatar og prosessar for medverknad. Planprogrammet seier noko om kva planalternativ som skal vurderast og behovet for utgreiingar.

Etter oppstartsmøtet skal du varsle oppstart av planarbeidet og varsle berørte partar og nødvendige offentlege organ.

Planprogram og konsekvensutgreiing

Eit eventuelt planprogram skal sendast på offentleg ettersyn samtidig med kunngjering og varsling av oppstart.

Kunngjering av oppstart

Etter oppstartsmøtet vil du motta referat frå saksbehandlar, normalt etter 1-2 veker. Referatet skal signerast av enten plankonsulent eller forslagsstillar. Deretter skal planarbeidet varslast berørte partar som naboar og grunneigarar samt offentlege instansar. I tillegg skal oppstart annonserast i minst ei papiravis. 

Kunngjeringa skal innehalde kart med planområdet og ein kort tekst om hensiikta med planen. Referat frå oppstartsmøte skal sendast som vedlegg. Vi ønsker å sjå over kunngjeringa nokon dagar før annonsa blir trykt i avisa. Digital planavgrensning i SOSI-format, samt varslingsbrev og annonsen, skal sendast til kommunen for kontroll min. 5 verkedagar før avisannonsen blir publisert. Høyringsfristen skal vere på minst 4 veker (lenger ved ev. ferie).

For å varsle registrerte grunneigarar, festarar og andre rettigheitshavarar, naboar og gjenboarar treng du ei naboliste.

Informasjon om korleis du lager naboliste får du her.

Er du i tvil om kven som skal varslast kan du kontakte oss. Du kan lese om lovgrunnlaget i Plan- og bygningsloven (Lovdata): pbl § 5-1 og pbl § 12-8.

Etter kunngjering og varsling kan du begynne å utarbeide sjølve planforslaget, basert på føringane frå oppstartmøtet og innspel frå varslingsperioden.

Utarbeiding av planen

Det kan vere hensiktsmessig å ha eit møte med oss først for å gå gjennom innspela som kom inn under varslingsperioden. Det er viktig å holde seg til føringane som står i referatet frå oppstartsmøtet. Saman med referatet skal du også ha fått tilsendt malar og rettleiarar til utarbeidinga av planen.

Møter undervegs

Undervegs i arbeidet tilrår vi at du avtalar møter med oss der vi kan diskutere viktige tema. Dette kan vere drøfting av innspel, utforming, arealbruk og utgreiingar.

Rett før du sender inn planforslaget formelt, er det lurt med eit møte der vi går gjennom forslaget saman. Då har vi moglegheit til å kvalitetssikre planforslaget før den formelle behandlinga.

Send inn planforslaget

Det komplette planforslaget sendast i separate filer og direkte til kommunen via eDialog https://min.kommune.no/s/dexr (krev innlogging med MinID, BankID eller Buypass). Mindre dokument kan sendast på e-post til postmottak@alesund.kommune.no. Dokument skal ikkje sendast som lenker. Dokument som ikkje kan sendast via eDialog eller e-post på grunn av format eller storleik, skal overførast gjennom kommunen si filoverføringsløysing: FileSender. Dette skal gjerast i samråd med saksbehandlar. 

For at dokument som blir sendt til kommunen skal vere enkle å skilje frå kvarandre, og i tråd med kommunen sine reglar for skriving og arkivering, må filene ha tydelege og beskrivande filnamn. Følgjande namnsetjing skal brukast:

• Plankart – datert xx.xx.xxxx
• Reguleringsføresegner – datert xx.xx.xxxx
• Planomtale - datert xx.xx.xxxx
•  osv.

Planavdelinga ønskjer ein god og konstruktiv dialog før planforslaget vert levert inn til behandling.

Relevante lenker

Kor lang tid tek saksbehandlinga?

Kva er våre gebyr?

Vår saksbehandling

Når vi formelt har mottatt planforslaget startar vår frist for behandling av saka. Då har vi ein frist på 12 veker. Alle planforslag blir kontrollert ved mottak i kommunen. Dersom innlevert planforslag ikkje tilfredsstillar krava, vil planutkastet bli returnert til forslagsstillar med melding om manglar som må rettast før ny oversending. Fristen løper ikkje dersom vi i vår behandling finn ut at det er noko som må endrast eller at vi treng meir dokumentasjon.

Når planforslaget er komplett skriv vi ei innstilling om korleis planforslaget skal behandlast vidare. Planforslaget og vår innstilling blir lagt fram til politisk behandling i planutvalet. Dei avgjer då om planen blir lagt ut på høyring, eller om dei krev at den blir arbeidd meir med eller at den blir avvist.