Kulturtilskot

Frivillige lag og organisasjonar i Ålesund kommune med organisasjonsnummer i Frivilligregisteret kan søke. I særlege tilfelle kan andre søke om tilskot, til dømes om du er organisert som eit prosjekt eller er eit lag i oppstart.

• Laga må vere demokratisk oppbygde og opne for alle til å kunne søke om medlemskap.
• Laga må vere registrert og presentere aktivitet i aktivitetskalender – alesund.friskus.com.
• Tilskot blir ikkje gitt til reine kommersielle tiltak og til enkeltpersonar. Heller ikkje til organisasjonar som primært driv med politisk verksemd, trussamfunn og organisasjonar som samlar inn og fordeler pengar vidare
• Det skal komme fram i skriftleg (trykt og digitalt) materiale (annonse, brosjyre, plakat o.l.) at tiltaket er støtta av Ålesund kommune.
• Alle som mottek tilskot over 50 000 kr må rapportere på mottatt tilskot.
  • Ein kortfatta rapport om kva tilskotet er brukt til, skal saman med rekneskap bli sendt til postmottak@alesund.kommune.no 
  • Tidsfrist: seinast 3 månader etter gjennomføring.
  • Det er ein føresetnad at rapport og rekneskap er sendt inn for å kunne søke seinare.
  • Konsekvens ved misleghald kan bli å ikkje få høve til å søke på eitt til tre år.
• Om behovet for tilskot fell bort, skal midlane bli betalt tilbake.

Ålesund kommune oppmuntrar organisasjonane til at aktiviteten er inkluderande og fremmer mangfald og berekraft, ved å til dømes ha fokus på:

• Variert og inkluderande informasjonsformidling
• Transporttilbod dersom mogleg
• Rekrutteringstiltak inn mot nye grupper
• Fadderordningar
• Gratistiltak, gratisbillettar gjennom Friskus
• Lokale løysingar
• Natur og miljømessig, sosial og økonomisk berekraft

Tilskotsordninga har som formål å stimulere til lokale kultur- og idrettstiltak som gir auka aktivitet, inkludering og deltaking i nærmiljøa.

Kurstilskot 

Tilskot kan bli gitt til deltakarar på kurs og konferansar som har som hovudmål å gi leiarar/ instruktørar eit betre grunnlag for arbeidet dei gjer innan aktivitetsområda. 
Kommunen kan maksimalt dekke 50 % av dei samla utgiftene til reise, opphald og kursavgift. For lokale kurs kan det ytast tilskot på inntil 7 000 kr pr. kurs, samla for alle deltakarane. For regionale eller landsomfattande kurs kan det ytast tilskot på inntil 10 000 kr pr. kurs, samla for alle deltakarane. 

Etableringstilskot 

Tilskot kan bli gitt til nystarta foreiningar og lag med beløp på inntil 15 000 kr. Etablering av  idrettsskular etter Norges Idrettsforbund (NIF) og Norges Olympiske komite sine retningslinjer er 15 000 kr. 
For å få slike tilskot må foreininga/laget som hovudregel ha minst 15 medlemmer være registrert og drive i Ålesund kommune. For nye idrettslag må det bli lagt ved dokumentasjon for opptak i NIF. 

Arrangementstilskot 

Der frivillige lag og organisasjonar er arrangør kan ein gi:

• Direkte tilskot til særlege arrangement. 
• Dekning av underskot. Det kan bli gitt dekning av underskot opptil 10 000 kr ved arrangement. I heilt spesielle anledningar kan tilskotet aukast. Tilskot skal bli utbetalt etter at revidert rekneskap føreligg. 
• Norgesmeisterskap.  Arrangement med formell status som gir norsk meister, blir gitt eit tilskot på inntil 15 000 kr.  Andre norgesmeisterskap på høgt nivå kan få støtte med inntil 10 000 kr. 

Søk om tilskot til rekruttering og aktivitet (digitalt skjema)

Dersom du vil fylle ut for hand, kan du henvende deg til kommunen for manuelt skjema.

Søknader på papir blir sendt til Ålesund kommune, Postboks 1521, 6025 Ålesund.

Formålet er å sikre gode møteplassar og arenaer for kultur og fritid i lokalsamfunna.

Det blir gitt støtte til:

• Investeringar og rehabilitering av hus
• Opprusting av uteområde, til dømes leiekeplassar
• Innkjøp av utstyr

Søknaden må innehalde:

• Plan for utbygging
• Målgruppe og aktivitet
• Budsjett med utgifter, finansiering, eigeninnsats/dugnad
• Driftsplan for bygget, inkludert inntekter (satsar for utleige med vidare)
• Plan for gjennomføring
• Omtale av universell utforming

Søk om tilskot til lokale kulturbygg og kulturarenaer (digitalt skjema)

Dersom du vil fylle ut for hand, kan du henvende deg til kommunen for manuelt skjema.

Søknader på papir blir sendt til Ålesund kommune, Postboks 1521, 6025 Ålesund.

Stipend blir tildelt ungdom under 26 år som har utmerkt seg innan kultur- og idrettslivet i Ålesund kommune siste år.

Stipendet skal stimulere og oppmuntre til vidare innsats og kunnskapsbygging innan interessefeltet.
Det blir vurdert som positivt å vere nyskapande og kreativ. Det er viktig å inspirere andre, slik at det gir ringverknader.

Stipendmottakar kan bli utfordra til å stille opp og inspirere andre ved arrangement.
Stipendet kan bli tildelt både grupper og enkeltpersonar med adresse i Ålesund kommune. Stipendet kan brukast fritt til vidare utvikling.

Ungdom kan sjølve søke på stipendet, eller bli foreslått av andre.

Søknaden må vere grunngitt

Søk om stipend