Friskus – oversikt over aktivitetar i Ålesund kommune

Digital møteplass for aktivitet og frivillig innsats for alle

Friskus er ein aktivitetskalender med spennande arrangement og frivillige oppdrag nært der du bur. Kalenderen gir deg som innbyggar høve til å filtrere både på interesse og stad.

Friskus er ein digital aktivitetskalender for det som skjer i Ålesund kommune – samla på ein stad. Den er gratis og kan brukast av alle lag, organisasjonar og andre som tilbyr aktivitetar i kommunen. Friskus kan også brukast for å rekruttere frivillige og for deg som ønsker å vere frivillig.

Aktivitetskalenderen gir deg ei oppdatert oversikt over arrangement og frivillige oppdrag i nærmiljøet ditt. Du vel sjølv om du vil melde deg på eller berre få informasjon om når og kvar ting skjer.

Bli med i Friskus du også!

Med din eigen Friskusprofil kan du melde deg på arrangement og frivillige oppdrag. Du opprettar profil på følgande måte:

1. Gå inn på www.alesund.friskus.com
2. Trykk på «Ny bruker» oppe til høgre og legg inn mobilnummeret ditt og «registrer». Så fyller du ut dine opplysningar og du er i gong!

Korleis kan lag og organisasjonar ta i bruk Friskus?

På Friskus kan ein vise fram aktivitetar, koordinere og rekruttere – alt på ein stad, saman med andre. Det er enkelt å opprette brukar:

1. Gå inn på www.alesund.friskus.com
2. Trykk på «Bli arrangør» i menylinja oppe til venstre på sida. Fyll ut opplysningar om laget/organisasjonen og du er i gong!

Tenesta er gratis og fri for reklame.