Om studentbyen Ålesund
Ålesund er den største kommunen i Møre og Romsdal og den største byen mellom Bergen og Trondheim. Sjå fakta om Ålesund.
I Ålesund finn du desse studiestadene for høgare utdanning:
Vi tar vertskapsrollen på alvor og ønsker å bidra aktivt til å utvikle Ålesund som universitets- og studentby. Sjå vår plan for utvikling av Ålesund som universitets- og studentby (studentmeldingen).
Opplev Ålesund
Hvordan er det å leve, bo og jobbe i Ålesund? Det kan du finne ut meir om på sidene:
På Destinasjon Ålesund & Sunnmøre kan du sjå kor flott det er her og kva du kan utforske. Byen har eit rikt friluftsliv. Du finn ei oversikt over våre badeplassar, friområder og turer på vår nettside. Sjekk også ut stikkut.no og ut.no.
Jobbe under studiene?
Ålesund kommune er ein stor arbeidsgivar med sine over 4.500 dyktige og engasjerte medarbeidarar som utfører viktige samfunnsoppdrag. Her kan du bli mer kjent med Ålesund kommune, og her kan du sjå korleis vi jobbar med å utvikle kommunen vår. Kanskje du vil jobbe hos oss, eller få praksis- eller læreplass?
Kultur- og fritidstilbod
Det er over mange lag og foreiningar i Ålesund kommune. På Friskus aktivitetetskalender finn du oversikt over kva kommunen, lag og foreiningar har av aktivitetar og tilbod for innbyggjarane våre. Der kan du også melde deg som frivillig.
Bypatrioten fortel om livet frå fortauskanten og har ein kalender som viser kva som skjer i byen.
Velferd og kommunale tenester
Studentsamskipnaden (Sit) skal bidra til at studentane skal trivast i Ålesund. Sit har mange tilbod til medlemmene sine mellom anna bustadformidling, trening, kantine og rådgiving. Sjå nettsida til Sit
Vil du kome deg rundt?
Å nytte deg av kollektivtilbodet i kommunen er ein grei måte å kome seg rundt på. Hos frammr.no vil du finne reisehjelp, dei har og ein app for kjøp av billettar til både buss og båt. Du kan også få tips til aktuelle dagsturar med hurtigbåt og buss. Skal du ta flybussen er det eit eige tilbod som driftast av Vy.
Er du student under 30 år og melder flytting frå ein kommune utanfor Sunnmøre til Ålesund kommune, kan du søke om gratis reisekort for eit år. Kortet gjeld for buss og hurtigbåt i heile Møre og Romsdal.
For skuleåret 2026/2027 kan du søke frå 10. august.
Ved å melde flytting til kommunen får du ikkje berre gratis reisekort. Du som student får også fleire rettar, tenester og kan i tillegg påverke politisk. Og så hjelper du oss med å lage endå betre tenester til alle som bur her.
Slik gjeng du fram
Dette må du ha på plass før du søker:
- Du må vere student ved høgare utdanning (universitet/høgskule/fagskule), ha gyldig studentbevis og betalt semesteravgift.
- Du må studere i eit heilt studieår. Utvekslingsstudentar eller andre studentar som skal vere her berre eitt semester, får dessverre ikkje tilbodet.
- Du må ha meldt flytting frå ein kommune utanfor Sunnmøre/Vestnes i Romsdal, og fått flyttemelding. Sunnmøre er kommunane Giske, Haram, Hareid, Herøy, Fjord, Sande, Stranda, Sula, Sykkylven, Ulstein, Vanylven, Volda, Ørsta og Ålesund.
- Studentar som har nytta seg av tilbodet tidlegare, kan ikkje nytte dette igjen.
- Du må ha meldt flytting etter 1. mai 2026.
Slik melder du flytting og søker om gratis reisekort:
- Meld flytting i folkeregisteret på skatteetaten.no
- Om du endrar folkeregistrert adresse ut av kommunen før perioden til reisekortet går ut, må du hugse å melde frå til oss.
- Søk gratis reisekort (søknadsfrist 31. desember 2026 for skuleåret 2026/2027). Kortet er aktivert når du mottek det, og er gyldig til og med 31. juli 2027. Fyller du 30 år i løpet av studieåret, vert kortet deaktivert på fødselsdato.
- Leveringstid: Frå ein får vedtaksbrevet om innvilga reisekort til det kjem i posten, må ein rekne med nokre veker for produksjon og levering av det fysiske kortet. Hugs å merke postkassa di med namn. Det vert ikkje gitt refusjon for kjøp av billettar mens ein ventar på reisekortet.
Praktisk informasjon om tilbodet og reisekortet
Reisekortet frå FRAM er for studentar og gjeld reise med offentleg buss, hurtigbåt og ferje innanfor Møre og Romsdal. Kortet kan ikkje nyttast på Flybussen, men er gyldig på nattbussen. Les om kollektivtilbodet på frammr.no
Mister du reisekortet i løpet av studieåret og treng eit nytt, må du kontakte FRAM kundesenter på tlf. 71 28 01 00.