Sterk og stødig

Førebyggjande gruppetrening for seniorar i alderen 65+.

Kva

Det er gruppetrening for deg som er over 65 år og bur heime. Du kan gå utan hjelpemiddel inne, men opplever at balansen og styrken i beina ikkje er som før.

Hovudfokus er styrketrening for bein og balansetrening. Vi trener for det meste ståande og litt sittande. Du kan støtte deg til ein stol ved behov.

Gruppene blir leia av frivillige instruktørar som er kvalifiserte gjennom Sterk og stødig instruktørkurs. Fysioterapeutar er rettleiarar for instruktørane, og administrerer tilbodet i kommuna.

Kor og når

Treninga er innandørs i ditt nærmiljø og du må komme deg til/frå treninga sjølv. 
Det er lagt opp til kaffi og prat etter treninga. Meir informasjon om dette får du lokalt, hos den enkelte gruppe og instruktør.
Gruppene følgjer skuleåret, og har fri når skulane har ferie.

Sterk og stødig treningsgrupper
StadDagKlokkeslett
Ålesund, Sanitetssenteret, R.P. Morks veg 17Måndag 12.00-13.00
Ålesund, Nørve, Borgundv. 162 BMåndag12.30-13.30
Sjøholt, ØrskoghallenMåndag14.00-15.00
Ålesund, Aspøy omsorgssenterTysdag11.00-12.00
Ålesund, Aspøy omsorgssenterTysdag12.45-13.45
Skodje, Ungdomsklubblokalet, Ådalsbakken 1Tysdag10.00-11.00
Skodje, Ungdomsklubblokalet, Ådalsbakken 1Tysdag11.30-12.30
Harøy, Harøy skuleOnsdag 11.00-12.00
Ålesund, Blindheim klubbhus, Sportsvegen 4Onsdag11.00-12.00
Ålesund, Blindheim klubbhus, Sportsvegen 4Onsdag12.30-13.30

Påmelding og pris

Du kan få uforpliktande gratis prøvetime, dersom det er ledig plass.
Ta kontakt med Sterk og stødig i Ålesund kommune på e-post til: sterkogstodig@alesund.kommune.no eller ring 97 95 16 56 (måndag-fredag 10.00-13.00).

Påmelding: Fyll ut registreringsskjema som du får av instruktøren.

Pris: kr 300,- per halvår. Faktura blir sendt i post, vår og haust.

Vil du bli instruktør?

Sterk og stødig er eit populært tilbod, og vi har behov for å starte fleire grupper. Vi treng derfor fleire instruktørar.

Vi leitar etter deg som

  • er glad i å bevege deg​
  • liker å jobba med andre​
  • er senior eller er ledig på dagtid​
  • ønskjer å leia ei treningsgruppe

 

Du som vil bli instruktør får

  • instruktørkurs
  • hefte med øvingar ​
  • hjelp med igangsetting av gruppe​
  • rettleiing av fysioterapeut​
  • førstehjelpskurs og fagleg påfyll​
  • nye vennskap​

Instruktørkurs 

I samarbeid med Haram kommune har vi instruktørkurs ein gong i året. Kurset er gratis, og vi håper at du ønskjer å bli med på laget. Tidspunkt for kommande kurs blir annonsert her, på Facebook og Friskus

Meir informasjon

Ansvarleg for tenesta

Førebygging og meistring

Sist endra 20.01.2026 09.23