Ålesund

Ved Ålesund Frivilligsentral er det stasjonert ein utstyrspakke til utlån. Den inneheld:

• idépermar med forslag til friluftsaktivitetar for ulike aldersgrupper
• ein lavvo
• to sekkar med taubruer
• ei stor kasse med bålpanne og anna bålutstyr
• gryter, kaffekjele og popkornkjele med meir
• øks og sag

Det er gratis å låne utstyret, og det kan brukast av alle skolar, barnehagar, lag og organisasjonar i kommunen.

Bestille gjennom Aktiv kommune.

Brattvåg

Ved Haram frivilligsentral er det ein utstyrsbase som inneheld mellom anna

• redningsvestar
• telt
• ligge- og sitteunderlag
• soveposar

Sjå fullstendig oversikt her. (PDF, 243 kB)

Vanleg lånetid er inntil ei veke, innleveringsdato blir avtala ved utlån. 

For å låne/sjekke tilgjengeleg utstyr, ta kontakt med frivilligkoordinator Ingvild Haram på telefon 957 09 923 eller e-post ingvild.haram@alesund.kommune.no (tysdag-torsdag kl 09.00-15.00).
Innbyggartorget i Brattvåg kan også kontaktast på telefon 70 20 75 00.

Harøy

MAKS- Maritimt aktivitetssenter finn du i Røsokvika på Harøy. Vi vert også kalla MAKS Harøy. Aktivitetssenteret har gratis utlån av utstyr til maritim aktivitet og friluftsliv. Vår største satsing er utlån av havkajakk og tilhøyrande sikkerheitsutstyr. Vi skal utvide med å tilby friluftslivsutstyr.

MAKS Harøy er eit samarbeid mellom MAKS Frivillig og Ålesund kommune. Vi er ein del av BUA nettverket. Drift er lagt til Innbyggartorget på Steinshamn i nært samarbeid med frivillige.

Området i og utanfor Røsokvika er særs eigna til padling og segling. Innerst i vika er det skjerma og grunt farvatn. Det er dermed ein glimrande plass å lære seg å meistre kajakken. Området utanfor er ei perle med eit mylder av øyar, holmar og skjer. Val av løyper er nærmast uendeleg. Lengre ute møter ein storhavet om ein er klar for slike utfordringar.

Utstyrsparken er under utviding. Frå før har vi: 10 kajakkar -  8 enkle og 2 doble med tilhøyrande utstyr som våtdrakter, sko, hanskar, vestar m.m. Vi disponerer eigen båtplass og har eige naust til å oppbevare alt utstyret i.

Nokre dagar har vi pop- up ope ved MAKS Harøy. Desse tidene vert annonsert som innlegg på facebook sida. Sjå etter flagget vårt ved vegen. 

Kontakt MAKS Harøy:

Mobil: 901 52 218

E- post: maksharoy@gmail.com

Facebook: https://www.facebook.com/MAKSHaroy

BUA: https://www.bua.io/utlansordninger/maks-maritimt-aktivitetssenter

Kontaktperson:  Torill Morsund Huse, v/ Innbyggartorget på Steinshamn. Mobil: 482 64 705, Tlf: 70 16 57 00

E- post: torill.morsund.huse@alesund.kommune.no

Behandling av personopplysningar

Vår behandling av dine personopplysningar skjer på grunnlag av ein brukaravtale gjennom oppretting av låneprofil for ansvarleg låntakar hos MAKS- Maritimt aktivitetssenter.

Personopplysningar som namn, fødselsdato, adresse, e-post, telefonnummer og relasjon til medlåntakar er opplysningar vi registrerer.

Formålet er å administrere utlån av utstyr til maritim aktivitet og friluftsliv. For å sikre avklaring av ansvarleg låntakar og for å føre statistikk på utlån.

Behandlingsansvarleg er Ålesund kommune.

Friluftsrådet

Friluftsrådet for Ålesund og omland (FÅO) har ein god del friluftsutstyr til gratis utlån, som:

• robåtar
• kajakkar
• lavvoar
• friluftskjøkken
• diskgolf
• vinteraktivitetssett

På nettsida til Friluftsrådet ser du kva utstyr som er tilgjengeleg og korleis dette kan bestillast  

Ålesund Røde Kors

Ålesund Røde Kors har ein del utstyr som ligg hos Skattekammeret ved Kirkens bymisjon.

• Regntøy
• Sko
• Fiskestenger
• Syklar
• Ski

For meir informasjon kan du som frivillig ta kontakt med dagleg leiar i Røde Kors Møre og Romsdal, Tore Nedregård på e-post eller over telefon til 70 16 08 02 / 948 73 471.

Fellesverket

Ungdomshuset til Røde Kors ligg i Storgata 25. Dei har plass og utstyr til å halde på med musikk, dans, innspeling og diverse. Alt er heilt gratis. Dei har også noko utstyr for utlån.

• Syklar
• Ballar
• Fiskestenger
• Hengekøyer
• Symaskinar

LHL Ålesund, Sula og Giske

Lokallaget har 5 kajakkar som kan lånast og ligg i Svinøyvegen. For kontakt over telefon til 926 04 194 / 970 62 541.

Ålesund Brannkorps

Ålesund brannkorps har redningsvestar for utlån. Dei kan hentast og leverast på hovudbrannstasjonen i Sjømannsveien 1B mellom kl. 09.00 og 15.00. Leige av ein redningsvest kostar 10 kroner per vest.

Kirkens Bymisjon - Skattekammeret 

Skattekammeret Ålesund er ein gratis utlånssentral av sport- og friluftsutstyr for barn og unge opp til 20 år. Andre kan óg låne utstyr, men barn og unge vil bli prioritert fyrst. Utlån skjer ved bruk av nasjonalt lånekort og utstyret kan bli lånt ei veke av gongen.

Skattekammeret er eit TV-aksjonstiltak og blir drifta av Kirkens Bymisjon Møre. I tillegg til utlån arrangerer Skattekammeret i Ålesund óg gratis aktivitetar. 

Opningstider er tysdagar 11-15 og onsdagar 13-18. 

For meir informasjon kan du ta kontakt på e-post: skattkammeret.alesund@bymisjon.no eller over telefon til 477 85 682. 

Besøksadresse: Nybømarka 2, 6011 Ålesund.

Ålesund - Sunnmøre Turistforening

Som medlem av Turistforeningen kan du låne friluftsutstyr gratis eller for ein liten sum. Leige utstyr frå Turistforeningen.