Tilrettelegge for leik i nærområdet?

Dersom ein eller fleire innbyggarar ønsker å rydde og stelle til på ein leikeplass, så er det høve til det. Kommunen ønsker informasjon om kva som er tenkt gjort.

• Rydding/plukking av boss
• Klipping av gras
• Planting av blomster
• Kappe oppslag av nye skudd frå trerøter
• Fjerne/trimme torvkantar på grus og andre dekker
• Lufte støtsand
• Fylle på med støtsand
• Reparasjon av gjerder og benkar
• Maling/beising av gjerder og benkar
• Vedlikehalde andre element, som kan vere relativt ukomplisert å halde ved like

Ta kontakt med miljø og samferdsel – forvaltningsavdelinga for nærare rettleiing og avtale.

Organiserte grupper kan inngå forpliktande samarbeid med kommunen. Eit forpliktande samarbeid gir mulegheit til å melde inn behov om økonomisk støtte frå kommunedelsutval eller søke kommunen om tilskotsmiddel.

Det forpliktande samarbeidet vil innebere at enkelte oppgåver blir ivaretatt av denne gruppa. Det kan vere oppgåver som:

• Rydding/plukking av boss
• Klipping av gras
• Planting av blomster
• Kappe oppslag av nye skudd frå trerøter
• Fjerne/trimme torvkantar på grus og andre dekker
• Lufte støtsand
• Fylle på med støtsand
• Reparasjon av gjerder og benkar
• Maling/beising av gjerder og benkar
• Vedlikehalde andre element, som kan vere relativt ukomplisert å halde ved like

Det er nødvendig med eit samarbeid med kommunen i høve slik drift, både for at kommunen kan omdisponere interne ressursar, og for å sikre t.d. at rett type sand, blomster og maling vert brukt. Ta kontakt med miljø og samferdsel – forvaltningsavdelinga for nærare rettleiing og avtale.

Organiserte grupper med organisasjonsnummer, som velforeiningar, kan inngå forpliktande avtale med kommunen der den organiserte gruppa tek over ansvaret for drift og vedlikehald av ein nærleikeplass eller ein mindre kvartalsleikeplass.

Den organiserte gruppa kan då oppgradere leikeplassen innanfor gjeldande lovverk og føresegner, men den får også ansvar for:

• føresegner og retningslinjer for arealbruk i kommuneplanen
• jamleg ettersyn og nødvendig vedlikehald, slik at utstyrets sikkerheitseigenskapar blir oppretthaldt, jf. forskrifta for leikeplassutstyr § 16.
• å ha eit velfungerande internkontrollsystem, jf. internkontrollforskrifta. Dette inneber mellom anna inspeksjon, vedlikehald og kartlegging av risikoforhold. Planane og kontrollen skal dokumenterast og systematiserast.

Dersom ei organisert gruppe tek over ansvaret for leikeplassar, inneber det mulegheit for gruppa å melde inn behov om økonomisk støtte frå kommunedelsutvalet og søke om tilskotsmiddel frå kommunen for oppgradering av leikeplassane, men også mulegheit for å søke om tilskotsmiddel frå andre og også inngå sponsoravtalar.

Ved at velforeiningar inngår ein slik avtale med kommunen, vil Ålesund kommune dekke kontingent for medlemsskap i Vellenes Fellesorganisasjon med gjeldande ansvarsforsikring.

Ta kontakt med miljø og samferdsel – forvaltningsavdelinga for nærare rettleiing og avtale.

Dersom du ønskjer å arrangere dugnad, kan du nå ut til mange ved å bruke Friskus, som er ein samordningsportal for aktivitetar og frivillige oppdrag i Ålesund kommune.

Kommunedelsutvala får årleg avsett ein sum som dei kan fordele på tiltak dei ønskjer å tilgodesjå.

Det er også høve om å søke på kulturmiddel frå kommunen.

Kontaktpersonen må kontakte forvaltningsavdelinga i miljø og samferdsel i samband med utarbeiding av kva vedlikehald som skal gjerast på leikeplassen, for å sikre at innkjøp av utstyr blir av kvalitetsmessig akseptabelt nivå. Forvaltningsavdelinga skriv eit notat med den faglege vurderinga, som kontaktpersonen må bruke i vidare arbeid med vedlikehald.

Behov eller søknad må sendast til Ålesund kommune for vidare handtering.

Tilskotsportalen er ei anna mulegheit for å kunne få økonomisk støtte.