Trafikkavvikling
Arrangement ute i det offentlege rommet kan medføre behov for å regulere trafikk og parkering i kommunen, det er også i nokre tilfelle behov for å kunne mellombels stengje vegar.
Ved slike behov må arrangør utarbeide ein plan for gjennomføring og skilting. Kontakt fagpersonane våre på veg i god tid før arrangementet.
Søk om løyve til å nytte/stengje veg og gate
Transport
Vurdéer om arrangementet ditt vil påverke i området. Informer besøkjande om transportløysingar og parkeringsmoglegheiter. Ålesund kommune oppmodar til bruk av kollektivtransport, gonge og sykkel. Om mange kjem med bil, informer om parkeringsmoglegheiter i området.
Om du treng spesialtransport inn til arrangementet eller riggplass, må dette avtalast med kommunen.
Reinhald
Arrangør er sjølv ansvarleg for avfallshandteringa ved arrangementet.
Det må sørgjast for opprydding/reinhald etter enda arrangement. Offentlege avfallsstativ må ikkje nyttast til dette formålet. Alt utstyr må fjernast. Leigetakar må sørgje for levering av avfall til godkjent mottak.