Måltid og ernæring driftar Sentralkjøkkenet, som produserer og leverer måltid til kommunedel Ålesund og Skodje. Kjøkkenet har 15 tilsette og har ein dagleg produksjon på ca. 700 porsjoner middag, med tilhøyrande dessert eller suppe. Sentralkjøkkenet har lang driftstid bak seg, og dermed god erfaring med utvikling og produksjon av tradisjonsrike, næringsriktige og smakfulle måltid. Kjøkkenet er lokalisert i same bygg som Spjelkavik omsorgssenter. I tillegg driftar verksemda Rådhuskantina på Ålesund rådhus.
I kommunedel Ørskog og Sandøy er det lokalkjøkken ved omsorgssentera som produserer og leverer ut måltid.
Ein god middag er eit høgdepunkt for mange i løpet av dagen. For å oppfylle forventningane er det mange samspel som må stemme. Det er derfor ekstra viktig at våre dyktige kokkar har fokus på gode oppskrifter og råvarer av beste kvalitet, som gir utspring i å nå akkurat denne opplevinga.
Måltid og ernæring samarbeida med kommunen sin kliniske ernæringsfysiolog, som sikrar oppskrifter og menyar til våre brukargrupper.
Verksemdsleiar: Anita Margrethe Hole Hofseth
Søk etter kontaktinformasjon